معلـش استحملونى شويه وكملو الموضوع للاخر
وهحاول اختصر وما طولش عليكم
من حوالى 3 شهور كنت مع صديق لى وكان بيدور على بعض الاكسسوارات
الخاصه بالكاميرا بتاعته على النت وفى نفس الموقع لقيت تلسكوبات
وطبعا تلسكوبات خاصه ببنادق ضغط الهواء
فاشتريت واحد مع اكسسوارات الكاميرا وكلهم باسمى وعنوانى
لان صديقى غير متواجد باستمرار لظروف عمله
وبعد حوالى 3 اسابيع جت الاكسسوارات بتاعته واستلمتها
وبعدها بايام قليله جانى جواب من البريد المصرى(قطاع الطرود برمسيس)
فذهبت اليهم قالولى ان لى منظار عندهم و لازم اجيب موافقه من الامن العام قبل استلامه
قلتلهم ماشى اعطونى خطاب موجه للامن العام
وذهبت للامن العام وسلمتهم صوره منه باليد وكمان كتبت طلب بخط يدى
موجه للسيد مساعد الوزير للامن العام اطلب فيه السماح بالافراج
عن التلسكوب الخاص ببندقيه ضغط الهواء وحددت فيه سبب استيراده
وما ساستخدمه فيه فقام بالتاشير على الطلب بتحويله للمعمل الجنائى
لابداء الراى الفنى فيه وقالولى تعالى بعد اسبوع..وبعد اسبوع..تعالى بعد اسبوع...الخ
وامتدت الاسابيع
الى ان قالو انهم حولو الطلب الى شرطه النقل والمواصلات لانها الجهه المختصه!!!
فذهبت اليهم قالو اسبوع..ثم اسبوع....الخ.....ويوم الاربعاء 4/4/20012
جائنى خطاب من البريد فذهبت اليهم يوم الاحد (كما حددو) فى الخطاب
وبعد الانتظار حوالى ساعد لقيت اتنين امناء شرطه امامى
وقالولى تعالى استلم حاجتك وذهبت معهم لمبنى البريد اللى ورا قسم الازبكيه
وفوجئت بضابط يقوم بعمل محضر اننى استورد اجزاء اسلحه ناريه وهذا مخالف للقانون
وبعد اكتمال المحضر وتحريز التلسكوب توجهنا مباشره الى نيابه الازبكيه
وكان السيد وكيل النيابه فى منتهى البساطه والصدق
فى التعامل وفى صياغه الكلمات ورجل محترم بحق
وقالى احكيلى ايه موضوع البتاع ده من البدايه وقد كان
فامر باخلاء سبيلى واستدعاء الضابط اللى عمل المحضر
وتحويل التلسكوب الى المعمل الجنائى**
*
*
ومن هنا اكتشفت ان محضر المباحث مثبت به
انه تم القبض على بعد استلام التلسكوب فى كمين معد لى
وان المحضر لا يحتوى على تقرير المعمل الجنائى كما امر مساعد الوزير
ـــــــــــــــــــــــــــــــــــــــــــــ
اتمنى ممن لديه اى معلومات عن قضيه مماثله
او راى قانونى صحيح
او الى اى مدى ممكن توصل اليه القضيه ان يفيدونى
ــــــــــــــــــــــــ ــــــــــــــــــــــــــــــ ـــــــــــــــــــــــ
واسف للاطاله لكنه امر غريب على
ويشغلنى من يوم الاحد ولا اعرف ماذا افعل حياله
ولكم جزيل الشكر