الحصيلة يمامه و 7 عساكر 2 ظباط.
القصة اني لقيت مكان قريب من عملي وفية قميري قولت اجرب الخميس الساعة خمسة اخدت اثنين اصدقائي من العمل
وكنت محضر الهانتر والسكوب والدنيا زي الفل.
ركنا العربية ونزلنا المكان ولكن القميري اذكي مننا المهم حطينا سجارة ونشلنا عليها والنتيجة مبهرة
والمنطقة مليانه غاب "بوص" وشجر حاجة مرعبة يعني.
وبدون مقدمات لقيت اتنين عساكر ومعاهم آلي داخلين علينا من وصت الغاب
وكمان اتنين من الناحية التانية
ولقيتهم بيقولوا اتفضل يا باشا بصوت عالي
لقيت الظابط داخل ومعاه جوز عساكر ومعاهم آالي.
انا كل دة واقف والهانتر 440 في ايدي وعليها السكوب
طبعا من جوة مرعوب لكن من برة مبتسم.
ولقيت كمان ظابط ومعاه عسكري داخلين علينا ومن غير ما حد يفتح بقة بكلمة
طلعت كبشة رش من جيبي وفردتهالو علي ايدي
قالي اية دة قولتلو رش
قال يوة بتصطاد صح قلتله اه وبنضرب كمان علي العلبة الصفيح اللي هناك دي
قال تمام تمام
قولتله لاء لازم تجرب وقعدنا نهزر حوالي 5 دقايق وخليت الظباط يضربوا معانا وحتي مقاليش اسمك اية .
الحمد لله جدت سليمة وعدت انا كنت خايف من السكوب جدا
|