[Egyptian_Destroyer]

المشاركة الأصلية كتبت بواسطة adel152

لا حول ولا قوة الا بالله.
كلمة حق حأقولها وربنا حيحاسبنى عليها يوم القيامة. الراجل ده هو وابنه انا أعرفهم معرفة شخصية والمكان اللى فى الصورة انا دخلته 4 او 5 مرات وعمرى ماشفت عندهم سلاح حى او طلقات حية ولا هذه المواسير اللى فى الصورة.
الشخص ده هو اول واحد حل بندقيتى التل وانا ساعدته لأنه معندهمش حتى منجلة بتاعة حل سوست البنادق الرش فكان محتاج حد يساعده للضغط على السوستة فى الحل والتركيب ودى كانت بداية معرفتى بحل بنادق الرش والكلام ده من 3 سنين تقريبا. وهذا الرجل من احد اقدم الصيادين فى مصر وبيطلع رحلات فى مواسم الصيد.
البندقية الخرطوش التركى هى بندقيته الشخصية اللى بيصطاد بيها. هو لو مصنع سلاح يبقى عنده بندقية خرطوش واحدة؟ وكان من المعروف انه بيصنع دباشك البنادق الهوائية زى البى اس والديانات وكان عنده مجموعة كبيرة من الرش المستورد وكانت اسعاره أقل من اى محل موجود فى مصر.
انا كنت بأجلس فى هذا المكان بالساعة والاثنين لما كنت بأشترى رش مستورد من عندهم عمرى ما شفت اى علامة على انها ورشة تصنيع سلاح ولا حد سأله قدامى او فى التليفونات اللى بتجيله عن اى شئ سوى الاسألة عن بنادق الرش ومستلزماتها من رش وتليسكوبات وسوست وخلافه.

أنا حسيت ان من واجبى انى اكتب الكام سطر دول بحكم معرفتى بهذا الشخص ومستغرب أن مافيش حد كتب الكلام ده من الاعضاء اللى يعرفوه شخصيا مثل معرفتى بيه من خلال شراء مستلزمات بنادق الرش.

ربنا يفك كربه هو وابنه لأنهم قمة فى الادب والاحترام.

لا حول ولا قوة الا بالله