اقتباس:
المشاركة الأصلية كتبت بواسطة عمر الفاروق
ياعم البلد زي ماهى ماتغيرتش والشرطه زي ماهى متغيريتش
السواق دفع رشوة 20 جنين فى كمين شرطة الحمام علشان ايصال سحب الرخصه منتي وكان عاوز يسحب رخصة العربيه
|
أستاذ عمر بعد التحية.
البنى أدم اللى أخد الرشوة دى لازم يتحاسب دى مافيهاش كلام.
لكن عايز أسأل حضرتك هى رخصة السواق كانت مسحوبة ليه؟ أكيد عمل مخالفة ما وأتسحبت رخصته. بعد كده نفس السواق بيسافر او سايق السيارة وايصال سحب الرخصة منتهى. هل ده فعل صح؟ لو العربية دى فرضا عربية أجرة وفيها 14 راكب وسألت ال14 راكب ندفع 20 جنيه رشوة علشان توصلوا مشواركوا ولا العربية تتحجز وكل واحد لازم يشوف مواصلة أخرى حتى يصل الى مشواره تفتكر الرد حيكون ايه من ال14 راكب؟
سيدى الفاضل تغيير سلوك شعب لن يكون بثورة. يجب على كل فرد فى المجتمع يبتدى فى اصلاح نفسه قبل ان يلوم على الغير. والشئ اللى انا متأكد منه لتغيير سلوك أكتسب فى 60 سنة لن يحدث فى يوم وليلة ولا فى سنة و3 شهور ولا فى 5 سنين.
كان فى أمثلة الواحد كان بيسمعها زمان وهو صغير وكان مش مقدر هذه الامثال من الناس اللى أكبر منه حتى وصل لسن معين وأبتدى يفهم معنى هذه الامثال زى مثلا المثل اللى بيقول ( أمشى فى طريقك عدل يحتار عدوك فيك).
أسف على الاطالة لكن والله الواحد نفسه يشوف البلد دى أحسن بلاد العالم لكن ده مش هيحصل الا لما نكون احنا نفسينا احسن شعب فى العالم.
خالص تحياتى.