موقعة الحمام الثالثة
موقعة الحمام الثالثة
استكمالاً لموقعة الحمام الأولى والثانية
ونظراً للظروف التى يمر بها الحمام
نزلنا أنا وأستاذ وليد مع ابنه عبدالرحمن
فجر الجمعة
الى المكان المعتاد
وضربنا ساندويتشات فول وطعمية فى الطريق علشان نستغل الوقت
وبدأ يومنا من الساعة الخامسة والنصف
وهاتك يا ضرب وهاتك يا صيد
وبفضل الله وفى أقل من ساعتين كانت الحصيلة 15 فرد حمام
أخذنا رست بسيط وكملنا اليوم لحد الساعة 10
وكانت الحصيلة الإجمالية 29 فرد حمام
و 2 فرد يمام
بصراحة اليمام بيغلبنا وبيطير بسرعة
وأوقات كتيرة بياخذ الرشاية ويطير وفى الغالب بيقع بعيد لأننا بنتأكد فعلاً انها لبست فيه
لكن الحمام بصراحة عبيط شوية ومش بيدى خوانه
بيقف لحد ما تظبط نفسك وتديله
كان معانا عبدالرحمن
ولد عسول ماشاء الله ربنا يبارك لوالده فيه
اتبسط وكان بيجرى على الحمام يجيله أول ما ينزل
والغريب فى اليوم أن فى حمام كتير ما كانش بيتقفل وبيطير
وبعدها بثوانى تلاقيه وقع بشكل درامى مضحك
خلصنا وروحنا نتصور
وبصراحة دى أصحب مراحل اليوم
لأنى بكون فيها ضايع موووووت ومش قادر اصلب طولى
تحاملت على نفسى وقلت نتصور
فكرنا كيتر نعمل بالحمام كلمة ( الصيد فى مصر )
لكن ما عرفناش
قلنا نكتب كلمة Egypt
بالحمام زى ما انتوا شايفين
وقلنا المرة الجاية هنكتب ان شاء الله الصيد فى مصر
علشان تبقى حصرية حصرية للمنتدى الجميل ورجالته
وقلنا نعمل شكل قلب للتغيير
واترككم مع الصور
النهارده بصراحة عملنا أكلة حمام محشى
كانت روعة
عقبال كل الصيادين
والى اللقاء مع موقعة الحمام الرابعة
باذن الله
__________________
واحد بيحب الصيد قوى
|