اقتباس:
المشاركة الأصلية كتبت بواسطة gelgel
أخي العزيز وبلدياتي الغالي قوي الأستاذ وجدان...تعالي كل يوم...واحشني والله كتييييييييييييييير...وبصراحة سايب فراغ كبيييييييييير...أنا قلت باين عليك زعلان أو واخد علي خاطرك مني...لما قلت عمالقة وضخام وأحباب الله...وهكذا...فمكانش ينفع أرن لك وأنت في هذه الحالة...وفضلت أسيبك للزمن... على رأي أم كلثوم...ينسيك آلامك ويزيح همومك ويداوي قلبك المجروح...وتهدأ كده وتتقبل الأمر الواقع...والحقيقة المرة...أتاريك طلعت مسافر ومهيص في البلد وعامل عريس...إشي بط وإشي وز وإشي حمام بالفريك...وكله إيه...بالسمن البلدي...ألف هناء وشفاء على قلبك...ربنا يهنيك ويريح بالك كمان وكمان...أمانة عليك حبيب قلبي وإنت جاي بالسلامة...أبقي إفتكرني بشوية كشك وفايش.....ولو في ربنا يكتر أفراح عندكم اليومين دول كمل جميلك وإفتكرني بكحكيتين من بتوع العروسة...ما تنساش السلام أمانة لكل فرد في البلد فرد فرد كل بإسمه مزيد السلام والتحية ألف مليون سلام...أشوفك علي خير وتيجي بألف سلامة...خالص تحياتي واحترامي للجميع...
|
انا مزعلش منك ابدا بس الزمن غدار
بس حضرتك فهمت غلط خالص دانا جيت هنا البلد وكاهن الكنيسة عندنا اتوفي وهو يديلي صلة قرابة فاديلي 3 ايام في الجنازة وحتي الاكل فطار غدا عشا من برة
انشالله انا جاي القاهرة يوم الاربعاء علشان عندي امتحانات يوم السبت
كمان انشالله هسال علي الكشك والذي منه لان حقيقي احنا مبنعملهوش هشوف اي حد من الجيران او اصحابي ممكن يكون ليهم حد في القري اللي جنبنا ويكونوا بيعملوه ((طبعا انت هتتريق عليا وتقول ان احنا جيل الفينو والكورن فليكس والبسكويت هاهاهاهاهاها)) ..
انت بقي سلملي علي اللي فيالقاهرة كلهم واحد واحد ((نفر نفر ))
تحياتي ا جمال