[القبطان المصرى 77]

السلام عليكم ورحمة الله
حيث ان مفيش صيد طيور اليومين دول والموسم لسه مبدأش
قلت مش معقول يعنى هافضل قاعد كده وحاطط ايدى على خدى يوم الاجازه
لألألألألألألأ
انا مش هاقدر اصبر والله ممكن يحصللى حاجه
وخصوصا ان انا باعشق الرمايه زى عيونى
يعنى حتى لو ملقتش حاجه اصطادها باحط اشكال واقعد انشن عليها
شغل مجانين يعنى
ههههههههههههههههههههه
وكنت محتار اخد البندقيه البى اس ولا الكرال
اخدت البندقيه ( الكرال ) واخدت معايا الملقاف العجيب
وعلى فكره الملقاف ده لما بيتفرد بيبقى طوله خمسه متر
وادى صورتهم مع بعض

واخدت معايا علبه رش ديابلو المانى 500 رشه

وطلعت على الكيلو 65 طريق مصر اسكندريه صحراوى الساعه 10 صباحا
وقمت رايح على الترعه دى

وفضلت حوالى ساعتين شغال على السمك البلطى بالبندقيه لغاية صلاة الجمعه
استريحت شويه وقمت صليت الجمعه
ورجعت للسمك تانى وقعدت اصطاد حوالى ساعه تانى ومكنتش عاوز اسيبه لولا الشمس حرقت وشى وبقيت عامل زى الهنود الحمر
وكمان صيد السمك مرهق جداااااااااا
وخصوصا انه عاوز حرص وهدوء
والحمد لله ربنا كرمنى وكانت الحصيله حوالى 4 كيلو ونص
ده غير اللى كنت باضربه وكان بيغطس منى فى الاماكن العميقه ومش باعرف اجيبه
وقابلت اتنين صيادين سمك هناك قالولى احنا قاعدين هنا من الفجر وكل واحد فينا يادوب جايب نص كيلو وانت جاى بقالك ساعتين وتعمل كده حرام عليك سبلنا شويه
ههههههههههههههه
واسيبكو مع الصور
الصورتين دول وانا لسه هناك


وباقى الصور بعد ماروحت






وحتى وهما بيتنضفو فى المطبخ رحت وراهم وصورتهم
ومكانش فاضل غير انى اصورهم واحنا بناكلهم
ههههههههههههههههههههه

والسلام عليكم

من مواضيعى

بالذمه ده اسمه كلا يارجاله
http://www.egypthunt.net/showthread.php?t=30091
مذبحة الجمعه بالكرال
http://www.egypthunt.net/showthread.php?t=28543
رساله الى كارهى الكرال
http://www.egypthunt.net/showthread.php?t=29417
كنا هانروح فى شربة ميه
http://www.egypthunt.net/showthread.php?t=30036
الشرح الكامل لقنص الاسماك بالبندقيه
http://www.egypthunt.net/showthread.php?t=29067
طلعة النهاره اهداء للرئيس المصرى القادم
http://www.egypthunt.net/showthread.php?t=30185
طلعة ساعه متنوعه
http://www.egypthunt.net/showthread.php?t=28988
طلعة ساعتين الصبح قبل الشغل
http://www.egypthunt.net/showthread.php?t=29990
الموضوع الشامل عن صيد اليمام ودجاج الماء ليلا
http://www.egypthunt.net/showthread.php?t=29886
نص ساعه صيد والقطه الشقيه
http://www.egypthunt.net/showthread.php?t=29646
شرح متكامل عن تمويه البنادق تجربه على الكرال والبى اس ايه
http://www.egypthunt.net/showthread.php?t=28907
تمويه الbsa بتاعتى وارجو التقييم
http://www.egypthunt.net/showthread.php?t=28570