السلام عليكم ورحمة الله و بركاتة
اول رحلة بمعني الكلمة ليا وهي كانت مع
الباشا محمد وفيق
والاستاذ حسن الاسيوطي ربنا يديلة طولة العمر والصحة
والبشمهندس وائل عزت
والدكتور محمد حسن
والباشا شريف الطرابيشي
وانا الصياد الجديد ميزو
هههههه
وبجد الناس دي زي الفل بمعني الكلمة
الاخلاق والزوق والرقي في الكلام وانا لسة صياد علي قدي يعني صفر بالنسبة لخبراتهم العالية في عالم الصيد
محدش فيهم بخل عليا باي معلومة وكلهم كانو مهتمين بيا صياد جديد بقي
والناس كلها بتحب بعض
وفي ود بينهم وعشم واحترام شديد
وقت الطلعة اتقابلت انا والدكتور محمد حسن علي الساعة 4ونص
والدكتور منتظم جدا في مواعيدة علي فكرة
وشربنا النسكافية السريع علي الصبح
وسمينا الله وظبطنا النشان وبعد كدا انضم لينا
محمد وفيق باشا
والاستاذ حسن الاسيوطي
والباشا شريف الطرابيشي
وفطرنا كلنا مع بعض وكلو تمام وابتديت الرحلة
وطلعنا كلنا مع بعض علي الساعة 7ونص تقريبا
وابتديت الرحلة الجميلة حتي اذان صلاة الجمعة
وصلينا الجمعة في المسجد
وشربنا بيبسي وظبطنا الدنيا
وبعد كدا كملنا الرحلة
وكانت رحلة جميلة جدا الجو كان حر اها .. بس كانت رحلة ممتعة بجد
وحببتني اكتر واكتر في الصيد
امتي الامتحانات تخلص بقي
اصلي مش هتطلع غير لما اخلص امتحانات
يلا ربنا يعديها علي خير
وانا مبسوط جدا اني اتعرفت علي الناس الجميلة المحترمة دي
واحلي حاجة شدتني في الموضوع ان كلهم كانو بيسالوني
انت مبسوط ولا لا ؟ اهم حاجة تكون مبسوط
اهم حاجة انت تصطاد وتكون مبسوط
ودي كفاية اوي بجد
وتحس من طريقة الكلام ان الكلمة طالعة من قلبهم وانهم فعلا عاوزين كصياد جديد اني اكون مبسوط بالصيد
والحمدلله ويعتبر لاول مرة بالتاريخ اصطاد
بس الرحلة دي اوعي القطر ياعم الحج اصطدت فيها وكنت مبسوط جدا
يلا مطولش عليكم اكتر من كدا ويارب اكون قدرت اوصف الرحلة كويس
والصور اهية