[severeman]

المشاركة الأصلية كتبت بواسطة mo7 Faqih

ممكن سؤال يجماعة
انا من منطقة يوجد بها بعض السفهاء من الرجال
اعنى يوجد بعض الاشخاص يقلى مثلا انا حوديك الشرطة وحعمل واخلى فيك انا عاوز يكون معاية حاجة اوريها لكل سفية من دول
بمعنى اصح اوريلة بند يصرح التجوال بالبنادف الهوائية
انا عارف انها مصرحة رسمياً ولكن يعنى علشان اعرفهم انى فاهم وماشى صح ....وشكرا

بص ياباشا أنا هقولك حاجه واتمنى انك تفهمني

في مبدأ هام جدأ في القانون الجنائي المصري وده مبدأ شهير جداً اسمه مبدأ الشرعية الجنائية وبيقول ... ( لا جريمة ولا عقوبة الا بنص قانون )

والقانون المصري مش جرم ولا عاقب حامل بنادق ضغط الهواء مادام انتفت عنده نية ايذاء شخص او شرع في ايذاء شخص عن طريقها في ايذاء اي شخص

ياعني بمعنى اوضح ان لازم يكون حامل بندقية ضغط الهواء حاملها من اجل الصيد فقط

زي مثلا واحد معاه قلم رصاص وماشي في الشارع ممكن يستخدم القلم الرصاص ده في الكتابه وممكن يستخدمه في انه يفخت عين واحد مثلا


ياعني بمعنى اوضح تاني وللمرة التانيه ان لازم يكون حامل بندقية ضغط الهواء حاملها من اجل الصيد فقط فقط فقط
ويبتعد تمام عن التنشين على اي ممتلكات لاي شخص او حتى انه ينشن بالبندقيه جمب واحد لان ممكن يتلكك ويقول الرشايه جت فيا
واهم شئ قبل ده كله ان اللي يكون ماسكها كامل الاهليه الجنائيه ويكون شخص ناضج وعاقل قبل كل شئ

خلاصة القول ياباشا

لو حد قالك اي حاجه بخصوص الموضوع ده قوله كلمتين وهما ان القانون المصري مش جرم حمل بنادق ضغط الهواء مادت انا بستخدمها في الصيد فقط ومش في أذية الناس
واذكرله نص الماده اللي قلتهالك والحورات سابقة الذكر

واوعة حد يضحك عليك واللي يكلمك سيبك منه لانه انسان جاهل بالقانون فخساره انك تديله اي اهتمام