[أبو صفية]

السلام عليكم

النهاردة الصبح قمت لقيت الدنيا حر و الشمس طلعة قلت أخد البندقية و أخرج أصطاد سمك كالعادة
و يا دوب وصلت المصرف الى بصيد منه و ضربت 3 سمكات و ألاقى الدنيا غيمت و الجو قلب هوا السحاب جا منين الله أعلم المهم الدنيا مجرد ما تغيم ما بتشفش السمك فى المية حتى و لو كان واقف قدامك ميت قلت طالما خرجت أستفيد بحاجة و أروح آكل توت مشيت لحد ما قابلنى كوبرى صغير على المصرف و قفت عليه شوية و ما صدقت الشمس طلعت من وسط السحاب دقيقة واحدة رحت ضارب سمكتين ألاقى لكم فرخة مية منزعجة أوى و قاعدة تقاقى و جاية تشوف فيه إيه و للعلم أنا عمرى ما شفت تحت الكوبرى دا فراخ فجت تزعق عليا عشان أزعجتها روحت مراضيها على طول برشاية فى ظهرها إتشلت فى مكانها و رحت جايبها مع السمكتين و ماشى رايح للتوت و للأسف ما لقيتش فى التوتة غير الورق طبعا أحبطت لقيت فى البر التانى غراب واقف على شجرة كافور عالية و عمال يقاقى حسيته بيضحك عليا رحت عطيه رشاية راح نازل ما حطش منطق و جت جماعته يصرخوا عليا ضربت واحد تانى نزل جمب أخوه راح بقيت العيلة خدوها من قصرها و مشين لكن للأسف ما صورتهمش لأنهم كانوا فى البر التانى
و أسيبكم بقا للصور