اقتباس:
المشاركة الأصلية كتبت بواسطة msobhy
قبل أى حاجه احب أقول انى باتكلم فى الموضوع ده فعليا حفاظا على الاخوه الاعضاء من المشاكل سواء من خلال النصب فى سلع مغشوشة أو السرقة -وعلى فكره الموضوع ده أكثر من عضو اتكلم فيه قبل كده لكن الناس مش بتتعلم ودايما بتنسى - أو يمكن انا علشان تقريبا بدخل المنتدى يوميا 5 أو 6 مرات فابقيت مركز جدا مع مشاركات الاعضاء اللى من النوع ديه
يا رجاله نسبيا احنا عارفين ان شراء محدثات الصوت أو أى شئ يخص الاسلحة بوجه عام فيه شبهه جنائية - وعليه كلنا بنلعب من تحت الترابيزة
مع العلم ان محدثات الصوت فعلا مش مخالفة للقانون لكن اغلبنا عارف ان ممكن مسدسك الصوت يتصادر
وعليه كلنا نسبيا بنلعب من تحت الترابيزة
طيب وبعدييييييين ؟؟؟؟؟؟؟؟
لو واحد رايح يشترى مسدس جديد مفيش اى مشاكل - لكن المشكله الحقيقة لو هاتشترى مسدس مستعمل .............. ليه
علشان حركات النصب فى السلع المغشوشة - بالاضافة للسرقات بالاكراه
يا رجاله احنا لو رايحين نشترى مسدس من شخص غير معروف لازم يكون معاك سلاح تدافع عن نفسك بيه - والاهم انك لازم تروح ومعاك اكثر من شخص - على الاقل اتنين اصحابك - وبلاش الاماكن المتطرفة ديه مع العلم انها الاماكن الوحيده اللى ينفع تجرب فيها الطبنجه لكن ما باليد حيله - وطبعا الكلام غير قابل للنقاش أى حاجه غاليه معاك أوعى تاخدها وانت رايح تشترى المسدس - من الاخر بطاقتك وسلاحك والفلوس وعليهم اصحابك اللى هايسندوك (بالمناسبة انا مهندس ومش من هواة استخدام السلاح وعمرى ما استخدمته - لكن بعد الثورة بقت عايش بمبدأ يا قاتل يا مقتول خاصة لأى شئ يخص عائلتى وأولادى)
فى البداية لازم الحذر والتأنى جدا جدا جدا (مع العلم انى وانا باشترى غلطت غلطات كتيييرة لكن ربنا ستر والحمد لله)
نيجى بقى لحاجه ربنا رزقنا بيها أسمها العقل
ببساطه كده لما اجى اقولك انى هابيع مسدس ثمنه جديد ب 2000 جنيه ومستعمل لا يقل عن 1500 جنيه وانتى شايفنى بابيعه ب 1000 جنيه يبقى الموضوع فاااااااااااكس
لما تلاقينى لسه مشترك من يومين وكل مشاركاتى لا تتعدى 5 أو 6 مشاركات يبقى الموضوع ضااااااااااايع
لما تطلب منى صورة السلعه وتلاقينى بقولك اى كلام أو ارفع لك صور مش صورى يبقى انا ايه - نصاااااااااااااااب وحرامى
اى حد هايشترى طبنجه لازم يجربها على الاقل ب 10 طلقات خاصة لو بتضرب متعدد
انا اسف انى مش قادر اتكلم لأنى مشغول جدا دلوقتى وفعلا عندى كلام كتييييييييييير عايز اقوله لكن اللى انا اعرفه ان فيه ناس كتير اتنصب عليها واتسرقت عن طريق الموضوع ده
وبعضهم بيقول وأغلبهم بيقعد ساكت
ياريت الاخوة الاعضاء اللى يعرف موقف حصل له أو حصل لشخص يعرفه يا ريت يقوله لأخذ العظه والتعلم حتى لانقع فريسة ل أولاد التيييييييييييت اللى بقوا فى كل حته
ربنا يصلح الحال ولا تنسونى انا واهلى بالدعاء
رحم الله ابى وجعل مثواه الجنه
|
كلام جميل اوى -- عمتا فى بعض التجار الى اخلاقهم عالية جدا ومعروفين وتشترى منهم وانت مغمض ولو فى حاجة مش تمام بيبدلك فى الحال زى الاستاذ محمد ياقوت