صياد مبتدئ وخايف !!
دلوقتي انا صياد مبتدئ ، عندي بندقية نوريكا سبورت 5.5 والحمد لله بقيت كويس جدا في الرماية وبقيت بجمع من 15 متر وطبعا ده بمساعدة البندقية عالية الدقة
المهم
في منطقتي سكني وهي مدينة علي طريق اسماعلية الصحراوي مليانة يمام او حمام (( مش عارف ايه الفرق مش بقولك مبتدئ )) المهم نفسي انزل اصطاد بس خايف اوووي
من ايه ؟!
اقولك انا
طب ممكن اسئل سؤال الاول
هوا امته الرشة تموت الحمامة؟ لما تيجي في راسها ولا لو جت في اي حته ؟
ده السؤال المحير
خايف لاضرب الطريدة في غير مقتل وساعتها مش عارف اعمل ايه ؟
يعني لو ضربت حمامة في غير مقتل ووقعت ونزفت اعمل ايه ؟؟ اسيبها تموت ؟ ولا اذبحها
دي بقي المشكلة الذبح ؟؟
بيقول لازم جزار يعلمك وحوارات كتير كده خلتني خايف انزل اعذب الحمام بدل ما اصطاده وساعتها يبقي حرام
والسؤال الاهم لو موت غراب مثلا اعمل فيه ايه ؟
من الاخر عايز حد يفهمني الدنيا كلها
طلب صعب بس معلش
اكسب فيا ثواب احسن شكلي هكره الهواية قبل ما ابتديها
|