[mohamed2010habib]

المشاركة الأصلية كتبت بواسطة أبو صفية

بالهنا و الشفا لكل من السمك و التوت

لكن عندى إستفسار بعد إذنك يا دكتور

ممكن بالتفصيل تعرفنى طريقة الصيد بالغلة لأن ناس قالتلى عليها و جربتها كذا مرة و ما جبتش أى حاجة
و يا ريت تعرفنى نوع المية هل جارية و لا واقفة و عميقة و لا سطحية و الغلة منقوعة و لا مغلية
و جزاكم الله خيرا

الموضوع محتاج نطلع طلعه و نتشرف بيك
اهم حاجه الترعه يكون جسرها بزاويه و بنعمل ادوار بين كل دور و التانى 10 متر
بنرمى قد ملو ايدك غله فى كل دور
بنستنا ربع ساعه لما يجمع السمك و ممكن تشوف السمك و هو بياكل الغله
بنطعم على راس السن الغله مع غماز خفيف و رصاص خفيف
لازم تتدارى و السمك مايكونش شايفك
الميه لازم تكون عاليه
الغله فى النيل موش قد كده
بننقع الغله فى ميه سخنه و بنسيبها 5 ساعات كده لما تتشرب الميه, و ماتكونش طريه قوى ولا جامده اوى , وسط كده
اهم حااااااااااااجه في صيد الغله الصبر ممكن الدور ياخد ساعه لما يجمع
كفر البطيخ و السوالم فيها اماكن غله كتيير
ارجوا اكون افدتك