[pooforever_2010]

المشاركة الأصلية كتبت بواسطة alessandro

كانت السما صافية و كنت ساعتها فى المدرسة كنت فى 3 ابتدائى كان معايا واحد صاحبى و كنا كفرانين من أم المدرسة باللى فيها واحد واحد و قلنا لازم ننتقم من الاضطهاد اللى بنشوفه كنا متفقين على كل حاجة من قبلها بيوم و مرتبين كل المعدات طلع هو السيبرتو و انا رحت مطلع ازازة الجاز اللتر و نص و استخبينا فى و سط الزرع بتاع جنينة المدرسة فى الفسحة لحد ما الفسحة خلصت و كل الاجواء بقت هادية و مفيش حد شايفنا و بدأنا نوزع الجاز على كل الزرع بحق الله و ربنا كل حتة زرع اخدت زى اللى جنبها و رجنا عاملين خط بالسيبرتو و الجاز فى الارض ناحية معمل العلوم عشان كان ابن خالتى سابقنى فى الدراسة و قايلى ان المعمل لو حد ولع فيه نار ممكن المدرسة تنفجر و أنا من ساعتها بقيت متكيف أوى من حكاية الانفجار دى و بدأت المشوار بعود الكبريت و انا واقف جنب باب المدرسة و هوب كانت المصيبة الكبرى الحريقة و انفجار معمل العلوم و كل المدرسة بتجرى على بره و صوت صفارة الانذار مدرسين و مدرسات طلبة ابتدائى و اعدادى و ثانوى اصلها كانت مدرسة كبيرة ايوه و الله كانت و دلوقت بقت اعدادى بس و لحد دلوقت بحمد ربنا انهم معرفوش مين الفاعل و راء هذه العملية التخريبية

و فى الاعدادية كان نفسى ازوغ من المدرسة بس السور كان عالى اوى عليا اصلى مليان شوية استنيت العربية النقل اللى بتجيب كتب الوزارة و رحت شابك الجنزير بتاع الباب فى اخر العربية و هيا طالعة و الحمد لله فى اليوم ده تلاتربع المدرسة زوغت بدون عناء يذكر

بقول ايه كفاية كده عشان محدش ياخد فكرة وحشة عنى

قلتلى مدرستك فين يا كبير
ده بلاغ للنائب العام مستريح
واخد جايزة نوفل
هههههههههههه