اقتباس:
المشاركة الأصلية كتبت بواسطة super_star495
اولا الف الف مليون شكر ليكم كلكم
جميع الاعضاء اللي رد وافاد واللي مردش
بس انا كده احترت اكتر الناس تقريبا زي بعض ده بيفضل وده بيحب
والنسبه متقاربه فعلا الفيبر بلاستيك بس الراجل قالي ان الفيبر لو وقعت على الارض مش هيحصلها حاجه
لكن الخشب بتتكسر وده كلام الراجل ليا بتاع المحل وقالي الخشب اغلى عندي لكن انا بقولك شهاده لله
وبصراحه تقفيل الفيبر انا شوفته ممتاز برده مش عارف الحقيقه الفرق تقريبا 100 جنيه والخشب اغلى
رغم انه نصحني بالفيبر وفإيه رايكم يا جماعه نتوكل على الله ونجيب الفيبر وخلاص الاسود
ولا نخلينا ف الخشب ومنتظر اراكم ومقترحاتكم وفي النهايه اللي فيه الخير يقدمه ربنا ان شاء الله
|
توكل على الله وهات الفيبر الأسود ممتازة بس راجع واعمل اللى هاقولك عليه اولا عند شرائك البندقية تأكد من استقامة البندقية يعنى تكسر البندقية وتبص فى الماسورة من مكان التعمير ولازم تشوف نهاية الماسورة وبعدين تلف البندقية وسيبها مكسورة زى ما هيا وبص فى الماسورة من عند الذبانة مقدمة البندقية ولازم تشوف الماسورة عدل يعنى تشوف الماسورة من الجهتين ضرورى ..... بعدين تانى حاجة اول ما تشتريها ضرورى جدا تفكها وتشحمها يعنى تتطلع السوستة وتشحمها ومش لازم تغير سوسته او جلبه هما حلويين جدا بشرط التشحيم او ما تشتريها وتجيب زيت رش وتبخ رشه فى الماسورة من عند بيت التعمير وتوكل على الله وجرب وهتلاقى البندقية فوق الممتازة .... والفيبر البنى شيك جدا اكتر من الاسود بس لها عيب ان الفيبر اساسا لونه رصاصى وواخدة لون بنى مموه واى خدش او احتكاك البندقية بجسم خشن بيبان فى الدبشك لون رصاصى انما الفيبر الاسود البلاستيك لونه اسود ومش واخده لون .... وبالتوفيق ان شاء الله
وبعدين الخشب زى الفيبر بس المشكلة ان جودة الخشب فى الكرال مش حلو ولذلك الفيبر اشيك وبعدين انت مش هتشيل البندقية وتهبدها فى الارض اكيد هتكون حريص عليها