اقتباس:
المشاركة الأصلية كتبت بواسطة ashraf_f
يا باشا ادخل موقع الشركة و اتفرج على باقى منتجاتهم من رش و خرطوش هاتسن بتنافس اقوى الماركات مش زى الكرال بتقلد فقط
|
اقتباس:
المشاركة الأصلية كتبت بواسطة Angel of Death
أمال ليه إحنا الأتراك بيصدرو لينا الكرال... اللي هي مع إحترامي بس بالنسبه للحجات ديه و لا حاجه عشان المقارنه هتكره الناس في الكرال..  أن بس عاوز أعرف ليه إحنا في مصر معندناش الحاجات ديه؟؟ و لو موجوده المشتوردين هيقولو ديه تبقى عامله النهارده 9000 جنيه يا باشا بس عشان عينيك الحلوة هديهالك ب 8700 جنيه.. و طبعا الناس اللي بتشتري الغلابه زي حالاتنا كده بتلبس في الأسعار..  |
الاخوة الاعضاء بعد التحية
للأسف البنادق الهاتسن غير متوفرة فى مصر حتى نستطيع الحكم عليها بطريقة عملية مثلما حدث مع البندقية الكرال.
اما بالنسبة ان الكرال تقليد للبنادق الجامو فأيضا البنادق الهاتسن تقليد لبنادق أخرى فمثلا الهاتسن 125 المعروضة فى الفيديو هى تقليد Walther Falcon Hunter وهذا التقليد بالطبع لا يقلل من مستوى اى بندقية.
ولكن يجب البحث بدقة فى المنتديات العالمية الخاصة بالبنادق الهوائية وهواية الصيد البرى حتى يمكننا الحكم على اى بندقية لا نستطيع الحكم عليها بطريقة عملية.
شركة بيراميد اير شركة تجارية تروج للسلع التى تبيعها على منتداها فلا يجب الأخذ بتقييمها بنسبة %100 للسلع التى تبيعها.
لقد قمت بالبحث على موقع بريطانى لمعرفة الفرق فى السعر بين الهاتسن 125 والكرال والاسعار كانت 185 جنيه استرلينى للهاتسن و120 جنيه استرلينى للكرال اى ان الهاتسن اغلى من الكرال بنسبة %50 تقريبا فأكيد خاماتها حتكون افضل من الكرال خاصة انها تزن 4 كيلو جرام اى اثقل من الكرال بحوالى 1 كيلو و100 جرام.
انا حبيت اكتب بعض الحقائق التى وجدتها فى المنتديات والمواقع العالمية عن هذه البندقية التى لانعرف عنها الكثير سوى شكلها الجميل من الصور والفيديوهات الموجودة.
يجب مراعاة ان الفيديو هو للعيار نمرة 3 لأن العيار نمرة 1 لهذه البندقية سرعته حوالى 380 متر/ث اى اعلى من سرعة الصوت (330 متر/ث) وهذه السرعات العالية تقلل من دقة التصويب لبنادق الرش الهوائية بالأضافة الى رد الفعل المفرط والصوت العالى والقوة المفرطة اثناء كسر البندقية ويمكن ملاحظة هذا فى الفيديو. وبذلك ينصح كل من جرب هذه البندقية بشراء العيار الكبير اى نمرة 3 مع استخدام الرش الثقيل لهذا العيار لضمان الدقة فى التصويب.
أسف للأطالة وأتمنى ان نرى هذه البنادق فى مصر فى القريب العجل أن شاء الله حتى نستطيع تجربتها والحكم عليها عمليا فى مصر.
خالص تحياتى للجميع.