رد: لو عايز اشتري بايبود من e-bay
بص يا معلم موضوع انه يعدى فى الغالب هايعدى لانه حاجه عاديه نيجى بقى للمهم اذا كنت فاكر ان سعره النهائى الى انت شايفه فده غلط لان ده مزاد هايخلص بعد 18 ساعه زى مانت شايف فى الصفحه وفى خلال ال 18 ساعه ممكن ناس تخش تزود وتلاقى بعد ال 18 ساعه سعره وصل لمبلغ كبير وده الغالب طبعا تانى حاجه انى شايف ان البائع مافيش فيها امكانيه الشحن لخارج امريكا وتقدر تتاكد من الكلام بانك تراسل البائع تالت واهم حاجه ان epay بيقبل الدفع من خلال البايبال فقط وبما ان البايبال ممنوع فى مصر او مصر مش فى الدول المدعومه يبقى لو عايز حاجه من عليه هاتشوف وسيط يدفع لك بايبال وانت تدفع له الفلوس والنسبه الى هايطلبها ياريت اكون وضحت لك كل حاجه انت محتاج تعرفها
اه نسيت صحيح فى الاخر بردوا لو لاقيت حد بيشحن لمصر تمن المنتج مش هايبقى هو الفلوس الى هاتدفعها بس لان هايكون فيه فلوس شحن وفى الغالب هاتكون عاليه شويه لان الشحن هايكون من خلال شركات زى dhl و UPS
__________________
____________________________________________
____________________________________________
يا رب لك الحمد كما ينبغى لجلال وجهك وعظيم سلطانك
لا اله الا انت سبحانك انى كنت من الظالمين
|