طلعة اليوم مع عبد الرحمن والحمد لله على كل حال
السلام عليكم ورحمة الله وبركاته يا أجمل قناصين
النهاردة كنت متفق مع أحمد صاحبي نطلع نصطاد وكلمته بعد الفجر وصحي بالعافية
وقلتله هاجهز وانزل واتصل بيك ونزلت أنا وعبد الرحمن وجربت اضرب بالاسكوب مكنش مضبوط خالص واتصلت بصاحبي كذا مرة ميردش عليا فذهبت للبيت واتصلت بيه على الأرضي قالي معلش راحت عليا نومة وهاجيلك عند البيت قعدت مستني واتصل به لا يرد وضاع وقت كثير وتضايقت وحسيت باكتئاب
المهم خلعت الاسكوب وقلت اصطاد من غيره علشان مضيعش وقت ثاني ونزلت أنا وعبد الرحمن وضربت يمامة واقفة على إيريال وقعت على طول بس للأسف داخل بلكونة
واتمشينا أنا وعبد الرحمن وحسيت بوجع جامد تحت ركبتي الشمال ومش باقدر أدوس عليها أوي وإن شاء الله هاروح أكشف عليها والحمد لله على كل حال
وكانت الحصيلة في الآخر 4 حمامات و5 يمامات والحمد لله
معلش دوشتكم واترككم مع الصور ودمتم في أمان الله تعالى
|