[أبو صفية]

السلام عليكم
النهاردة الصبح خرجت أتمشى قابلنى واحد جارى و حلفنى أجيبله غراب قلتله النهاردة الجمعة و ما حلحقش أخرج أصطاد المهم ألح و خرجت و طبعا كالعادة أخدت عدة السمك و رحت مخصوص للغراب وسبحان الله ضربت أكتر من سمكة و لكن ما عرفتش أجبهم و أنا وزهئت و فكرت أرجع و لكن لقيت غراب على شجرة ضربته و نزل ما حطش منطق و سبحان الله بعدها ما ضربتش و لا سمكة و خيبت و ضربت غرابين تنين لكن ما عرفتش أجيب غير واحد التانى وقع فى أرض رز قلت لنفسى سبحان الله ماقيش سمك غير لما بريت بقسم جارى
و سبحان الله واحد قابلنى و أنا بصطاد و حلفنى عاوز يمامتين قلتله خد سمك و خلى اليمام بظروفها قعد يحلفنى قلتله لو جبت حاجة حجبهالك لكن كان القرآن بدأ رحت راجع على طول و قلت بلاش ضرب إذا كان السمك ما جاش غير لما جبت غراب جارى فما بال الى عاوز يمامتين يكلهم مرضتش أضرب سمك و روحت و إن شاء الله له طلعة مخصوص لليمام بالرغم إن اليمام عندنا قليل جدا و أسيبكم بقا للصور