الحمد لله اشتريت النهارده الريتاي ايجل العظيم
وضربت بيه 3 طلقات عندي ف البيت روعه
الاحساس بيه ف الضرب او حتى شد الاجزاء مختلف
وكفاية مسكته ولا حجمه ووزنه اللي بيحسسوك ان الدنيا لسه بخير
واللي يشوف تخانة بيت النار يحس ان المسدس بيقوله اقلبني ارجوك
هههههههههههههههههههههههههههههههههههههههههههههههههه ههه
لحد هنا تمام
نيجي بقى لنقطة تانية
الريتاي ايجل اللي موجود دلوقتي طالع من تخزين طويل
ودي حقيقة لمستها بنفسي مش معلومة من حد
النصيحة بقى للي اشتراه او هيشتريه
لازم يفكه وينضفه ب دابليو دي فورتي او أكاي ابو 7.50 كويس عشان في صدأ من الركنة
ف اجزاء فيه من جوه
انا بعد ما مشيت فيه الفرشة جيت بميحها لقيتها بهتت ع القماشة بني من الصدا
ودا طبعا قبل ماضرب
بعد ما تروق عليه بالأكاي وتركبه وتمشي عليه الحتة الزفرة
هتحس بنعومته ف شد الاجزاء وهتحس بفرق
المسدس منور ف الجراب اللي كان محمد باشا سعيد مهاديني بيه
انا عندي جراب جنب وجراب كتف وجراب فخد
بس بصراحة مش واكل غير مع جراب بوو فوريفر
وهتلاقو صورة القماشة اللي كنت بنضفه بيها قبل ما استخدمه
وقبل ما أبدأ كانت بيضة تماما والقطنة مبتكدبش