[Angel of Death]

المشاركة الأصلية كتبت بواسطة القبطان المصرى22

السلام عليكم ورحمة الله وبركاته
كان المفروض نخرج للصيد انا وصديق ليا النهارده بالعربيه بتاعته
وانا مروحتش وبيت فى الشقه بتاعة الشغل
وصحيت الساعه خمسه الصبح وجهزت كل حاجه وقاعد على نار مستنى
واستنى صاحبنا مش عاوز يجى
وبعد شويه الموبايل رن
مع الاسف حصلتله ظروف قهريه واعتزر الصبح
وطبعا انا طالما نويت على الصيد يبقى لازم اخرج
بس مع الاسف معملتش حسابى على وسيلة مواصلات وكنت معتمد على عربية صاحبنا
اخدت الكرال
وعلبة رش جامو هانتر
طلعت بره الشارع لقيت عم ابو احمد البقال فاتح وراكن العجله بتاعته(دراجه) قدام السوبر ماركت
ههههههههههههههههههه
طبعا كلكو عرفتو دلوقت انا بافكر فى ايه
هى فكره مجنونه شويه بس هانعملو ايه بقى مفيش حل تانى
وفعلا مكدبتش خبر
قمت رايح للراجل وقلتله عاوز العجله حوالى ساعتين
واخدتها ولفيت بيها ورحت اماكن بعييييييييد اوى
لكن مع الاسف الكاوتش فرقع فى اخر وابعد مكان
وطبعا مناطق زراعيه ومفيش مواصلات
والمعلم ابو دم خفيف(اللى هو انا يعنى) رجعت ماشى المسافه دى كلها
هههههههههههههههه
وبينى وبينكو كانت ساعتين صيد ممتعين برغم الارهاق اللى شفته من سواقة العجله
لانى لفيت بيها كتير
ودى الحصيله
15يامامه
وفيه تلاته وقعو فى اماكن معرفتش اجيبهم






ودول بقى اهداء للرئيس المصرى القادم مهما يكون هو مين
مع انى مش راضى عن ولا واحد فيهم بس معلش بقى
هى دى الديموقراطيه
واحب اقوله بالله عليك
خد بالك من شعب مصر
اطيب شعب
اجمل شعب
اغلب شعب

طلعة زي الفل يا قبطان من صياد محترف و ذات خبرة..