الموضوع: نيشان البندقية خالف معايا_ساعدونى
عرض مشاركة واحدة
غير مقروء 12-06-18, 05:59 PM   #4
عادل عبده
صياد قديم
 
الصورة الرمزية عادل عبده
 
تاريخ التسجيل: Jun 2011
المدينه: القطاميه
المشاركات: 3,916
معدل تقييم المستوى: 0
عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده عادل عبده
افتراضي رد: نيشان البندقية خالف معايا_ساعدونى
اقتباس:
المشاركة الأصلية كتبت بواسطة aymank2 مشاهدة المشاركة
بص يا ابو مروان اهم حاجه متزهقش لان ده العادى كل بندقيه وليا تظبيطه انا عارف انك صياد كبير بس كلنا بنستفيد من بعض انا هقول ليك انا ظبطت الجيت بتاعتى ازاى واظن ان نشان ال73قريب من الجيت اول حاجه تجيب ورقه وتعمل خط بالطول وخط بالعرض كروس يعنى وتلزق الورقه على حاجه خشب سميك وتمسك البندقيه وتتاكد انك ماسكها مسكه موحده يعنى كل مره نفس الماسكه نفس النظره على الشيز بتاع النشان الخلفى مع الامامى لو ينفع تثبت البندقيه على حاجه عاليه وتحتها كيس رمله يبقى 100% اضرب 10 رشات وتكون متبع الخطوات السابقه واى رشايه ايدك تتهز فيها يبقى متحسبهاش حاجه مهمه استخدم رش يكون مشهود ليه بالكفاءه يعنى النوريكا انا بستخدم معاها الجامو ماتش او الجامو هانتر برده ممكن يكون الرش الى انتا بتستخدمه مش ماشى مع البندقيه الجديده عادى يعنى انا بستخدم مع الكرال الديابلو العلبه الموف شغال كويس بس لاقيته مش ماشى مع الجيت المهم اضرب وشوف لو لاقيت الرش مشكل معاك كل رشايه رايحه فى حته يبقى تشوف السوسته وجلبه البستم وجلبه بيت الرش لازم المشكله تبقى فيهم طيب لو البندقيه مجمعه فى اى حته فى الورقه فوق او تحت يمين او شمال كده يبقى البندقيه سليمه بتضرب فوق وعايزه تضرب تحت يبقى تربط البكره الى فوق مع اتجاه عقارب الساعه العكس بتضرب تحت يبقى تفك يا كبير عكس عقارب الساعه بتضرب شمال يبقى تربط البكره الى فى الجنب مع عقارب الساعه بتضرب يمين يبقى العكس ارجو اكون افادتك ولو حد من القناصين الكبار مشارك وعنده تعليق يبقى برده نتعلم منه انا وانتا .

طبعا بعد الكلام الرائع ده من القناص الكبير ده
يبقى مافيش كلام
بس غير كل حاجات ديه ركز ان خدك يبقى ثابت على مكان واحد فوق الدبشك
ان ماسوره البندقيه تبقى نضيفه لان ده عامل اساسى فى التشكيل
ان تكون نظرتك والحته اللى باينه من الدبانه ثاتبه يعنى الهدف على مكان ثابت من الدبانه مشمره تشو الدبانه كبير ومره تشوف طرفها بس
على العموم بالتوفيق ولو محتاج حاجه رقبتى ليك
__________________
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

اللهم انى استغفرك واتوب اليك

*اللهم انت ربى لا اله الا انت سبحانك خلقتنى وانا عبدك وانا على عهدك ووعدك ما استطعت اعوذ بك من شر ماصنعت ابوء لك بنعمتك على وابوء لك بزنبى فأغفر لى فأنهه لايغفر الزنوب الا انت *
عادل عبده غير متواجد حالياً   رد مع اقتباس