عرض مشاركة واحدة
غير مقروء 12-06-22, 03:45 PM   #32
hema777h
تاجر مسجل بالمنتديات
 
تاريخ التسجيل: Jul 2010
المشاركات: 2,711
معدل تقييم المستوى: 22
hema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريقhema777h في بداية الطريق
افتراضي رد: وسع ياجددددع الاير كنج وصلت ..وشكر خاص استاذ عادل عبده واستاذ عادل152

اقتباس:
المشاركة الأصلية كتبت بواسطة القبطان المصرى22 مشاهدة المشاركة
وسع ياجددددددع الديانا54 ايركنج وصلت
طاخ طاخ طاخ

هههههههههههههه
باركولى ياقناصين على التحفه الالمانيه العتيقه
طبعا مفيش صياد فى الدنيا مش بيحلم بالديانا او الفايروخ
وده شىء طبيعى
الحكايه ومافيها
امبارح اتصلت بالاستاذ (عادل عبده)
وقلتله عاوز اشترى الديانا ماجنوم
لقيته شخط فيا وقالى للألألألألألألألأ
هات الاير كنج 54 احسن
انا اقتنعت برأيه بصراحه
المهم ساعتين ولقيته عندى فى اسكندريه
روحنا اتغدينا
حصل يا استاذ عادل ولا لا؟؟
هههههههههههههههههه
وبعدها اخدنا نفسنا وروحنا على فتح الله محطة الرمل
واول مادخلنا لقينا الاستاذ (عادل152) فى وشنا
وكانت مفجأه رهييييييييييييبه وجميله جداجدا
وفعلا رب صدفة خير من الف ميعاد
مبقتش مصدق نفسى انى قابلت العمالقه دول وموجود معاهم فى مكان واحد
وطبعا انا صممت انو يقعد معانا لغاية مانخلص عشان نستفيد من خبراته
وبصراحه كان لقااااااء غاية فى الروعه ومفيد وملئ بالمعلومات
وبصراحه ياجماعه العادليين الاتنين ناس فى منتهى الزوووووووووووق والكرم والاخلاق العاليا
وفعلا هى دى اخلاق صيادين زمان الفرسان
وقعدنا عند فتح الله يجى ساعه محتارين بين ديانا 52 و54و350 ماجنوم
التلاته تحف تحف يعنى
وبعد الكثير من الحيره استقر الرأى بالاغلبيه على 54 ايركنج

واشتريناها بــ7500
تمن عربيه نص عمر يعنى
هههههههههههههههه
ومسكتها فى حضنى واحنا خارجين زى ماكون شايل ابنى الصغنن ومش عاوز حد يلمسها
حتى (عادل عبده) باشا كان عاوز يجربها على يمامه واحنا راجعين فى السكه
اديتهاله وانا حاسس ان روحى بتطلع
وبسم الله ماشاء الله ضرب بيها الميامه محطتش منطق على مسافة حوالى 45 متر
فاكر يا استاذ عادل ولا لا؟؟؟؟
ههههههههههههههه
وبعدها بشويه لقينا يمامه واقفه على عامود نور والاستاذ (عادل152) صمم انه هو اللى هايضربها
اخد البندقيه وفى الرأس وطاااااااااخ مقفوله على مسافة حوالى 30 متر
ومشينا كمان شويه
لقينا يمامه تانيه
قلت كده الدور عليا انا فى الضرب بقى
ولسه بارفع البندقيه وانشن لقيت اللى بيمسكنى من كتفى
انا افتكرت طبعا الاستاذ عادل عاوز يضرب اليمامه دى كمان
قلت لنفسى حراااااااااااااام عليكو بقى سيبونى اضرب شويه
لفيت ابص ورايا اشوف مين منهم اللى مسكنى من كتفى
لقيت والدتى بتصحينى وتقوللى
قوووووووووووووم يابنى الساعه بقت 10 وانت لسه نااااااااااايم
قوم اتأخرت على الشغل يا(منيل) بتشديد الياء
ههههههههههههههههههههههههههههههه
ههههههههههههههههههه

بجد بجد كان حلم فى منتهى الرووووووووووعه وان شاء الله هاحققه قريب
والصياد الصح اكيييييييييد هو اللى طبيعى لازم يحلم بحاجه من الاتنين دول
الديانا
او
الفايروخ
وانا ان شاء الله مش هاتعدى عليا السنه دى غير وانا شايل واحده منهم
وارجو من الاستاذ عادل152
والاستاذ عادل عبده
ميزعلوش منى أنى جبتهم معايا فى الحلم
ده شىء مش بأيدى والله
مع انى اتمنى اللقاء ده فعلا فى الحقيقه
ربنا يرزق كل قناص وصياد فينا تحفه من هذه التحف
اللهم اميييييييييييين يارب
كداااااااااااا بردو تسرح بينا كدااااا وتشرق وتغرب والراجل سافر ليك دااااااااا كلام بردووو
__________________
MR.X
لاسلحة الصيد البري والبحري ومحدثات الصوت
يسعدنا تشريفكم لنا بمعرضنا في مصر الجديدة
48 شارع بغداد امام فندق بيروت
محافظة القاهرة
يسعدنا توفير خدمة الشحن الي جميع الاعضاء في جميع المحافظات
وتكلفة الشحن علي حسب المحافظة

01000131401
01093635793
hema777h غير متواجد حالياً   رد مع اقتباس