طلعة النهاردة و الموقف الغريب الى قابلتة
النهاردة طلعت طلعةموفقة الحمد لله بس حصل موقف من الغرائب فعلا اصطت يمامة من على بعد كبير والطلقة جت فى البطن بس طارت مسافة كبيرة لما وقعت وقعت فى ارض مزروعة برسيم وعالى بس انا حددت المكان وقلت اروح ابص عليها يمكن الاقيها ولو ان دا صعب جدا لان صاحب الارض لوشاف حد بيدوس فى البرسيم هيخلى نهارة مش فايت هههههههه
المهم مشيت على الحد بتاع قطعة الارض دى و عمال ادور انى اشوف حاجة مافيش خالص وفجائة لقيت صقر بيطير على ارتفاع منخفض جنب منى وواحد تانى على الاض وفى حاجة وقعت منة فى الاول افتكرتها ابن الصقر دا او حاجة تانية وبصيت لاقيت ان الى وقع هيا اليمامة الى اصطتها وفى صقر تانى واقف جنبها كنت هاصطادة بس طار على طول ولكن حمدت ربنا انو دور بنفسة على اليمامة ورجعتلى تانى اسيبكو مع الصور والحصيلة كانت 7 يمامات وفرد حمام دا غير الى وقع بعيد من اليمام والحمام وما عرفتش اجيبة
|