[NewSomeBody]

السلام عليكم جميعا
الاخ elarbi2009
انا لم اخالف قوانين سوق المنتدي فى عرض سلعتي
فقوانين المنتدي لا تشترط وضع سعر للسلعة كما ان ادارة المنتدي نوهت بأنها غير مسؤولة عن السلع التى تعرض وتباع
ولو سيادتك اطلعت علي قوانين المنتدي هتعرف ان الاستاذ جلال خليفة قال بالحرف :
((المجموعة المشرفة في المنتدي لما بتلاقي بندقية غالية او السعر مبالغ فية بتتصل بالبائع علي الخاص وبتنصحة بالنزول في السعر وايضا بتنبة الشاري بالاسعار اول باول ..
وعلي فكرة انا عندي update لكل الاسعار اسبوع باسبوع تحياتي لكم جميعا وكل عيد وانتم طيبين))
بس انا مش عاتب عليك بما انك جديد فى المنتدي
و انا من ااقدم الاعضاء وبقالي سنيين فى المنتدي مافتكرش ان حصل و عملت مشكلة من اى نوع
وايضا ماليش احتكاك بسوق المنتدي
لا بعرض و لا بشتري
و ما هي الا مرة واحدة الى اشتريت فيها
وانا من فترة مش بشارك فى المنتدي لانشغالي
وانا لا احبذ اطلاقا فكرة بيع سلاح املكه حتى ان كنت لا اريده
وكما وضح اخي الكبير محمد حافظ ان المسدس ليس ملكي مجرد انا وسيط لعملية العرض حتى الشراء لن يتم معي
المسدس تم شرائه بسعر عالي عن الى سيادتك ذكرته و لا اعرف لماذا
لان انا شفت هنا على المنتدي فى اكثر من موضوع ان سعره جديد بيتعدي 2000 جنيه كما اشار الزميل احمد سعودي فى موضوع فى قسم الاسلحة النارية منذ اقل من 4 شهور فقط
و ايضا كان هناك عرض فى سوق المنتدي لنفس المسدس مستعمل بـ 1500
و لحد الان لا اصدق ابدا ان الجلوك الايطالي 9 مللي اصبح سعره 1000 جنيه واصبح متساوي مع التركي ان لم يكن التركي اغلي منه فى بعض الانواع
وفى النهاية انا سعيد ان حصل حراك فى المنتدي برهن على حب الاعضاء للمنتدي وارتباطهم به وايضا اظهر مدي نجاح ادارة المنتدي
واشكر اخي وحبيبي محمد حافظ وكل الاحترام والتقدير لعمدتنا جلال خليفة
ادامكم الله زخرا للمنتدي وسندا لاعضائه.