اقتباس:
المشاركة الأصلية كتبت بواسطة محمد حافظ بك
اخواني بالمنتدي السلام عليكم .. احب قبل ما ابدأ تحذيري اني اترجي اللي يعرف المعلومة ميبخلش بيها علي اي حد سواء قريب او صديق او جار ..
احذركم تحذير شديد من التعامل مع اي بائعين من اللي معاهم مشروبات و بيستخدموا التلج في مشروباتهم خروب و تمر هندي و سوبيا و خلافه ....كذلك المقاهي و تقديم قطع التلج مع المشروبات لتبريدها ...
يا جماعة التلج ده بيتعمل من مية قذرة و مليئة بالاوبئة و معظم اللي بيتعاملوا فيها النظافة بالنسبة ليهم شئ غير وارد و اظن كله فاهم ..
اساسا لو حد من حضراتكوا شاف منظر لوح التلج قبل ما يتكسر مش هيتعامل خالص بيه ..
مش هقولكم امراض اللهم احفظنا سواء قصيرة الاجل او طويلة ...
المصدر ...كنا في حملة تفتيش خاصة بالمتابعة البيئية و حررنا محاضر لمصانع تحت السلم و اثبتنا حالات مؤسفة مخالفة للصحة العامة ..
و حتي لو كان في ضمير في نظافة المياه فمراحل ما بعد ذلك اسوأ و اسوأ ...خاصة في عملية النقل و الايادي اللي بتتعامل بيها ....
اؤكد علي طلبي بنشر المعلومة و التذكير بها دوما ...خاصة ان احنا مقبلين علي الشهر الكريم و بتكثر التعامل مع مثل هذه النوعيات من الثلج ...
كفانا الله شر الامراض و لكم تحياتي و تمنياتي بدوام الصحة ان شاء الله
|
جازاك الله يا أستاذ محمد على إهتمامك يا فندم و ربنا يجعله في ميزان حسناتك..
