اقتباس:
المشاركة الأصلية كتبت بواسطة champion
السلام عليكم و رحمه الله و بركاته
حزين جدا علي حال المنتدي
بقي من الصيد في مصر > الأسلحه في مصر
انا انهارده جتلي فكره اني اقيس المنتدي في الأسلحه
دخلت علي جوجل كتبت "مسدس صوت للبيع "
طلعلي اول موقع ...... Egypthunt.net
قولت عادي مهو مش ممنوع و مصرح بيه
بس اللي زعلني ان المنتدي الأول في بيع مسدسات الصوت في مصر والوطن العربي
طنشت و قولت عادي برضه مفيهاش حاجه
مسحت و كتبت " مسدس صوت للبيع " > egypthunt
"مسدس صوت معدل بلي " >egypthunt
دخلت علي google كتبت "مطوه للبيع"
اول موقع ظهر ................. Egypthunt.net
شكيت في نفسي و في google chrome
قولت يمكن العيب فيه
دخلت علي internet explorer و كتبت في google "مطوه للبيع "
لقيته جايبلي egypthunt.net
حسيت ان الدخان بيطلع من وداني خلاص
المنتدي بقي اول موقع في جوجل متخصص في اي نوع من السلاح
يعني و بلا فخر منتدي "الصيد" في مصر اول منتدي لبيع مسدسات الصوت المعدله
و المطاوي و الخناجر في مصر و الوطن العربي اكمله
اللي اصلا ملهمش اي تلاتين علاقه بالصيد
اللي انا لاحظته ان اول ما المنتدي اتعمل في 2007 او 2008 انا مش فاكر
مكنش فيه موضوع واحد عن مطوه ولا خنجر
اول ما الأداره الجديده مسكت مكنش فيه الا علي خفيف
في بدايه ال2011 بدأت و انتشرت بشكل وبائي
و واحده واحده حتلاقي اللي مش مترخص بيتباع علني
اكبر دليل علي كلامي اعضاء بتدخل
و تسجل اول مشاركه بتسال علي حاجه مش مترخصه او خنجر او مطوه
يعني السبب الرئيسي في الدخول الأسلحه و كمان الغير قانونيه يعني مش الصيد
اسئله اتوقعها :
-ديه اقتناء و هوايه زيها زي جمع الطوابع
مادام الهواه ديه ممنوعه و مجرمه يبقي مفيش داعي منها اجمع طوابع احسن
-ديه حضرتك للتزكيه
و هو حضرتك حتاخد خنجر ولا مطوه قرن غزال علشان تدبح بيها ؟
سكينه مطبخ كافيه بالتزكيه
-ديه ادمان و مقدرش عليها
احب اقول لحضرتك ان مدمنين المخدرات بيبطلوها
الموضوع مفتوح للمناقشه
و استطلاع علي حذف اي موضوع عن المطاوي و الأسلحه البيضاء
و اللي موافق يكتب تعليقه و موافق او رافض
|
كلام سليم 100% وانا موافق على عدم عرض او بيع او شراء المطاوى ومسدسات الصوت المفتوحة وطلقات البلى. ودة علشان مصلحة الجميع وبالذات هواة الصيد