[Griffin]

أنا أسف نسيت أقولك أن كمان جرب كل أنواع الرش هتلاقي أن فيه نوع معين بيديك أحسن تجميع و
دي حاجه لازم تكتشفها بنفسك و هي كمان ملهاش علاقه بنوع البندقيه علشان أنا بسمع الناس بتسأل أيه أنسب رش للأيركينج أو لل350 أو للكرال لكن كل ده كلام غلط لأن ممكن نوع الرش ألي بندقيه أيركينج تحبه أختها أيركينج تانيه ماتحبوش
السبب هو الفروق الي بالميكرومتر الموجوده في القطر الداخلي للماسوره
المصنع الي بيعمل المواسير عنده الحريه أنه يغلط يعني عنده سماح بنسبه خطاء معينه بأنه يزود أو يقلل عن ال 5.5 مم قطر داخلي للماسوره فبتكون النتيجه هي أن مافيش ماسوره زي التانيه بالضبط و بالتالي مافيش بندقيه زي التانيه بالضبط و بالتالي الرش ألي تحبه ديانا و تجمع بيه حلو ممكن أختها ماتحبوش خالص