رد: الدفعة التانية من البنادق التركى الكارل
اقتباس:
المشاركة الأصلية كتبت بواسطة ادهم محمود محمد
اسمحوا لى ان اسرد عليكم تجربة صغير فى عام 2001 كنت اعمل مدير لمبيعات ليكزس بالخبر على شاطئ الخليج العربى واكن صيد السمك يوم الجمعة الصبح امر لا يمكن الحياد عنه حتى لو الجو غير مناسب ( عواصف ترابية ، حر ، رطوبة .. وخلافه ) المهم كل واحد مننا ياخد عدته وكل واحد يبدا على بركة الله .. طبعا كل واحد بيشترى افضل انواع المكن والسنانير والخيط .. وفى احد المرات تعلمت درس لا يمكن انساه فى حين اننا نمتبارى فى الصيد ونشترى افضل العدد والادوات اذا بشاب باكستانى الجنسية يصطاد بشعر صيد ملفوف على زجاجة والسنانير شاحتها والتقل اللى بيرميه فى اخر الشعر صامولة حديد ومع ذلك ربنا كان كارمه ماشاء الله رزقه واسع
هنا الدرس
ليست العبرة بالعدد والادوات وافخم انواع الاسلحة وانما العبرة بتوفيق الله سبحانه وتعالى وقسمة الارزاق كذلك الخبرة والحنكة والصبر وبذل الجهد والباقى على الله
اذن عرض الخبرات بعد استعمال العدد مثل بنادق الصيد وكل واحد يقوم بسرد تجربته ورايه الشخصى لن يزيد ولن يقلل من راى اخر قد يتعارض معه
والله الموفق
|
سبحان من يرزق بغير حساب هو نعم المولي ونعم النصير وعايز اضيف حاجة مهمة جدا وهي اختلاف الاراء والاذواق والدليل علي ذلك .
المهندس / طلعت بخيت اروع ضرباتة ورحلاتة كانت بال الجامو سي اف رويال علي الرغم انة يمتلك ترسانة منها الاير كنج والويبلي الاكلبس وال 52 والهانتر 1250 وغيرهم كتير علشان عندة كتير جدا بس هو بيتمتع بالبندقية الجامو .
الاستاذ / محمد انور لا ينسجم الا مع البي اس وهو معاة ترسانة ايضا .
الاستاذ / اشرف باهي يمتلك ديانا 52 وبي اس ومصمم علي السي اف رويال هو بردة بيرتاح فيها
وفي واحد معانا اسمة بدر معاة سلافيا ومكسر الدنيا بها .
انا شخصيا كان معايا مارفك جولد كنت بصتاد بيها زي الفل لمدة 8 او 9 سنوات
يا جماعة الموضوع مش ضجة وخلاص لازم الحاجة تكون اتجربت من صياد لة خبرة علشان نحكم
وبعدين يا سيدي افتراض ان انا اشتريت بندقية كورال واستخدمتها ولقتها كويسة اية المانع اني اقول اني غلطان وستين غلطان بس الموضوع مش محتاج انة يحصل فية تطاول او اي شئ يعكر علينا الجو ولا هو مشاكل وبس
ولك التحية والشكر
__________________
الصيد متعة والتفوق هو الهدف
|