رد: انا كان هايتنصب عليا يارجاااااااله ههههههههههه
والله ياباشا انا كل يوم بشوف مواقف فى الموقف وانا لسا راجع دلوقتى وكل يوم موضوع البرفان ده ويقعد يرشلى شوية برفان ويقولى بص جوايزنا ومش عارف ايه اروح قايله ربنا يسهلك واسيبه وامشى
مرة بقى كنت هتصدر فى موضوع فاجر اوى وناس ياما اتنصب عليها شوفت واحد واقف عامل مزاد وبيبيع تليفونات ومعاها هدايا وكلها ماركات (نوكيا - سامسونج - موتورلا - ال جى -وهكذا) وشوية تليفونات صينى معفنة بس كلها جديدة المهم دخلت وقفت وقلت اتفرج لقيته عرض nokia n8 على 240 جنيه وبعلبته وبكله قولت قشطة بس شكيت لما لقيت السعر ده المهم واحد ابن حلال قالى متشتريش حاجة كل ده مسروق اوام روحت حاطط ايدى على جيوبى وروحت واخد بعضى وماشى قلت الحمد لله ربنا بيحبنى وفيه ناس بتشترى وتبقى فرحانة يروحو طالعين وراهم ناس وياخدو التليفونات منهم ويبعوها تانى وهكذا وهكذا والغلابة كتيرررررررررررر
وربنا يسترها علينا وعليكم يارب
__________________
الطيبة ليست غباء
انما نعمة فقدها الاغبياء
|