اقتباس:
المشاركة الأصلية كتبت بواسطة ابو مروان
بارك اللة فيما رزق _وبالهنا والشفا _سيدى الفاضل فية حاجة اسمها شقاطة لو حضرتك ليك فى صيد السمك زى الفايبر بتاع الصيد وطولة حوالى 3 متر وبيتفرد ويتلم _وفاخرة (جوبية)زى شبكة كرة السلة بس مقفول طبعا اعتقد انة هايكون مفيد جدا فى حكاية فراخ الغيط من غير ما تنزل المصارف والا حاجة خوفا من البلهارسيا لو مصارف مياة عزبة
ثانيا يا باشا لو تكرمت فراخ الغيط بتتنضف ازاى وطريقة عمايلها ممكن تتشوى يعنى ؟
مع امنياتى بصيد وفير
|
نورني مرورك الكريم
أنا عارف اللي حضرتك بتتكلم عليه بس أنا أحيانا بيقابلني مصرف طوله حوالي من 14-20 متر ؟
بالنسبة لعمايلها أولا التنضيف :
يا اما تسلخها يا اما تريشها في مية سخنة وبعدين تشيطها زي البط
تغسلها كويس بالصابون
تنقعها 4 ساعات في مية وملح وخل
تقطعها حتت وتشوحها في بصل وزيت عالسريع و ترمي التشويح
تشوح من جديد لحد ملونها يتغير ويبقى رمادي
حط مع تشويح البصل ثوم وفلفل اسود
زود مية على حسب رغبتك يفضل كوب مية للفرخة الوحدة أو اقل
حد قرفة خشب (اعواد) و زنجبيل (قطعة صغيرة) وحبهان
بعد مايستوي ضيف الملح
وبالهنا والشفا
عامر حسني