يلا ياولاد قولو ورايا( انا صياد فاااااشل..فااااااااشل )
السلام عليكم ورحمة الله وبركاته
رجاء من الاخوه اللى عندهم خبره فى استخدام وصيانة التليسكوب الايفاده
لأن اول مره فى حياتى اخرج للصيد وارجع مكسور الجناح
ههههههههههههه
الموضوع هو انى كنت جايب تليسكوب تاسكو 3=7=28 من فتره
ولأنى مش من هواة استخدام التليسكوبات ركنته وماستخدمتهوش غير بكام رشايه كده للتجربه
وكنت ملاحظ ان عدسة التليسكوب فيها ظلال كتير
النهارده بقى حبيت اجربه عملى
خرجت للصيد بعد ماظبطه عالبندقيه
وحصل كا الاتى
اثناء التصويب بتكون نقطة الرؤيه فى منتصف العدسه صغيره جدا جدا
وباقى العدسه كلها ظلال
ولازم اقرب عينى من التليسكوب جدا جدا لدرجة لزق وجهى بالعدسه عشان اقدر اشوف الهدف
لدرجة ان حسيت ان عينى هاتتقلع
وطبعا فى الوضع ده مش هاعرف اضرب الهدف
ولما باكبر درجة الزوم شويه خمس درجات مثلا يزداد الامر سوء وتصبح
نقطة الرؤيه فى العدسه صغييييييييييره جدا
لدرجة انى قعدت اصطاد حوالى اربع ساعات ومجبتش غير حمامه ويمامه
لأن الاسكوب كان معذبنى
وكنت عامل زى عماشه فى الادغال
احم احم
سامعك ياللى بتضحك عليا
ههههههههههههههههه
ماشى ماشى لما اشوفك بس
ياترى بقى هو كده الخطأ فى ايه
مع العلم ان عندى اسكوب تانى 4=20 وشغال معايا كويس
وطول مانا راجع فى السكه قاعد اقول لنفسى
انا صياد فاشل
فااااااااااااشل
فاااااااااااشل
ارجو بقى المساعده من اهل الخبره فى الاسكوبات
لأن الاسكوب ده شللنى خلاص
وهنيالك يافاعل الخير
وحسنه قليله تمنع بلاوى كتيره
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*
|