اخواني احب اشارك معاكم النهارده الجزء الثاني من رحلة صيد كلاب المقطم المسعوره.
كنت استقبلت رساله على الخاص من استاذ مدحت احد اعضاء المنتدى الكرام و كان حابب يشارك معايا و يجرب السلاح علي شيء حي يستحق القتل و الحمد لله تقابلنا بعد صلاة الجمعة مباشره و دي كانت اول مره اشوفه و شهاده لله انه انسان صحبته طيبه و محترم جدا. المهم ركن عربيته في مكان ظل و ركب معايا و دخلنا ندور على الكلاب و بعد لف خمس دقائق لقينا الكلب الاسود الثاني و بقية العصابه البلدي و سبحان الله المره دي كأنهم عرفين اننا جايين نخلص عليهم و قبل ما نقرب منهم ابتدوا يجروا و طلعوا الجبل بسرعه.
طلعت و لفيت وراهم من ناحيه تانيه و يادوب لحقنا و احد فيهم و كان نصيب مدحت و قام ضربه واحد جت في رجله و برضه هرب.
ركنا العربيه و وراهم على رجلينا في حته صخريه صعبه بس كان خلاص هربوا يا ريس !!!!
قلت فعلا دول كده محتجين بندقيه هاي باور و شغل قنص عالي لأن المكان مساعدهم على الهروب.
شويه لقيت و احد تاني قربت منه و اديته ثلاثه بالاتوماتيك و مفيش وحده جيت فيه !!!! الكلب بصلى و كان ناقص يطلعلي لسانه و سابني و مشي و انا متنح من سوء التنشين في اليوم ده.
رجعنا لعرية مدحت لقينا الفرده اللي قدام ناحيته نايمه قلتله و لا يهمك معايا منفاخ كهربا و قمت مطلعه من العربيه و اديلو نفخ, شويه لقيت مدحت بيقولي الحق في حد فسالي العجل و بيشاور على الجنب التاني. رحت لقيت الاثنين في الارض. قلت منك لله ياللي عملت كده بس مفيش مشكله معايا منفاخ كهربا اديله نفخ.
ننفخ قدام و را تفسي ننفخ ورا قدام تفسي ابص على عربيتي لقيت العجله قدام شمال في الارض.
مدحت صرخ و قال بسسسسس .... دي اكيد لعنة الكلاب !!!!!
فضلنا ننفخ شويه هنا و شويه هنا و الشمس 100 100 على النفوخ.
لحد ما يعنى هه عرفنا نمشي و اجري يا ريس على العجالاتي.
الحصيله:
مدحت 5 خروم و انا 7.
و دي كانت نهاية رحلة صيد الكلاب المشؤومه.
و المره الجايه مطلوب معانا قناااااصه هاي باور
و السلام عليكم