اقتباس:
المشاركة الأصلية كتبت بواسطة hesham d
انا مع هذه الفتوى ..... واوكد انه لابد من احترام مرجعيتنا الدينيه ( دار الأفتاء المصريه )
لأن للاسف حاليا كل من هب ودب شايل سلاح وماشى يتمنظر وبمجرد واحد ينرفزه يقوم شادد السلاح ويرفعه وبقت العمليه سايبه خااااااااااالص خالص ووسعت اوى الصراحه وبقت شكلها وحش اوى
يبقا لما تصدر ( دار الأفتاء المصريه ) فتوى بتحريم وتجريم حمل السلاح سوى المرخص لابد لنا من احترام هذه الفتوى لأنها جائت لمنع انتشار ظاهره حمل السلاح والحد من المشاكل اللى بتحصل نتيجه ان كل من هب ودب بقا شايل سلاح .
وبنشوفها فى الأفراح كتييييييير اوى .... وعادى جدا شباب واقفين بيروشوا ومعاهم سلاح وبيهزرو بيه .... والخ الخ الخ وكل البلاوى اللى بنشوفها دى والأستهتار والهزار بيه ....
وطبعا كلنا بنسمع عن قتل عن طريق الخطا فى فرح مثلا او بهزار ....
وعيب برضوا نقول على دار الأفتاء المصريه ... دار الفته .... عيب ولا مش عيب ....؟؟؟؟؟
عموما دى فتوى صحيحه وجت فى وقتها عشان الناس تلتزم شويه والعيال الصغيره اللى دلوقتى كل واحد جايبلى طبنجه ومخبيها والجو الرخيص دا .. واول ما تقوم خناقه يقوم مطلعها ويعمل فيها سوبر مان ... يتلموا شويه
وانا رايى ومن الأخر اللى معاه سلاح وقد المسؤوليه وبيستخدمه فعلا للدفاع عن النفس ... يخليه طالما محتاجه ..
اما العيل الصغير اللى جايبها للمنظره والأفراح و الخناقات والكلام الفارغ ده ... احسنه فعلا يريح نفسه منها عشان هوا فعلا هيأثم وهياخد ذنب على حملها بدون وجه حق ... لانها فى حكم الترويع او التخويف .. وكلنا عارفين نهى النبى عليه الصلاه والسلام عن ترويع الناس ... ( من روع مؤمن جاء يوم القيامة مكتوب بين عينيه آيس من رحمة الله )
|
انا مع حضرتك طبعا فى انه لايجوز لأي كائن من كان أنه يسمح لنفسه بترويع وتخويف الأخرين بأسلوب همجي ومستهتر وغير مسئول بإستخدام السلاح
بس الناس المحترمين الكتييييييييييير اللى حفيت عشان تطلع رخصة حيازة سلاح ناري ومش عارفة تطلعها لحد دلوقتى ,, فى ظل الظروف اللى احنا فيها دي وحالة الهرجلة والانفلات الأمني
ووجود بعض الأشخاص أمثال اللى حضرتك ذكرتهم أعلاه وحيازتهم جميع أنواع الأسلحة البيضاء والسوداء والكاروهات كمان لو فيه.
مفروض المواطنين دول يعملوا ايه او يحموا نفسهم ازاي ؟؟؟؟؟
لما واحد يجيب مسدس ويشيله فى بيته او عربيته ولا يستخدمه الا للدفاع عن النفس او فيه حالة الاعتداء على حرمه بيته أو أهل بيته .. تيجي دار الإفتاء اللى مغمضة عنيها عن بلاوي سودة كتير وتقوله حراااااااااااام ... اقولها انا تييييييييييييييييييييييييييييييييييييييييييييييييي يييييييت
انا بس اتمنى قانون يحطه واحد فاهم وعارف طبيعة الشارع المصري عامل ازاى وطبيعة كل واحد ووظيفته ومركزه ومنطقته اللى ساكن فيها وعلى اساسها يتم الموافقة على حيازة السلاح
لكن الداخلية مكبرة دماغها وسايبة اللى يسرق يسرق واللى يثبت يثبت واللى يبيع سلاح عيني عينك يبيع ,, وفى نفس الوقت مخلية التراخيص فى المشمش ... يبقى دة اسمه تهريج
واما تيجي دار الافتاء المصرية الموقرة المبجلة فى التوقيت دة تقولك حرام .. دة يبقى قمة السفه
واسف على الاطالة .. بس الموضوع بجد حارق دمي
مع العلم انى معاية سلاح ومرخص وغير مضرور بالمرة بالكلام العبيط دة