اقتباس:
المشاركة الأصلية كتبت بواسطة hemi afifi
مبروك يا باشا , لو فكيتها حتلاقيها نضيفه جدا ولا رايش ولا حاجه المهم تشحمها عشان بتيجي ناشفه خالص و خشنه و لما بتتشحم بتبقا زي الفل و فكها و تقفيلها ممكن يوترك اول مره بس بعد كده سهل و حافظ علي الحته البلاستيك المدوره الصغيره و في حته تانيه مدوره بردو فيها حتتين طالعين من الجنب برده دي مهمه جدا و لما حتفك حتقع و حتدور علي مكانها هي بتبات في مكان بنفس شكلها في الدبشك فوق الزناد علي طول و لما بتركب حتلاقي المسمار الكبير اللي بيربط الزناد علي صامولة السك بيبات فيها , و في حته بلاستيك بردو صغيره جدا علي شكل u دي بتركب علي الدراع اللي واصل الماسوره بالسوسته اللي هوه يعتبر دراع التعمير الداخلي عشان ميحكش في جسم الكانون كل مره تعمر و خلي بالك من سوستة دراع الامان و الزناد متتغاشمش عليه , ممكن كلامي دلوقتي و انت بتقراه تحس انك مش فاهم منه حاجه بس لما تفكها افتح الموضوع بتاع حل الكرال و كلامي اللي انا كاتبه دلوقتي و انت حتفهم كل حاجه و لو حاجه عصلجت او وقفت منك نصيحه لمها و روح لحد يركبهالك عشان متبوظش حاجه تدفعك فلوس و انت لسه مفوقتش من تمنها اللي دفعته
|
تسلم ايديك علي الموضوع ده
انا كان عندي كرال و فكيتها كتييييير و كل حاجة و غيرت جلبة و سوستة
بس التشحيم مجربتش عشان كدة كنت بسأل اشحم ايه بالظبط