[hoka]

المشاركة الأصلية كتبت بواسطة hoka

فيه مداخله بسيطه اوى
الاستاذ شريف من غير توصيه هايعمل الواجب وزياده لانك زبون اولا ولازم يكسبك ثانيا ده راجل عنده زمه وضمير
والفرق الوحيد لما بتقوله اسم الاستاذ طلعت او الاستاذ جلال و حد من الحبايب
انه بيقوم معاك انت شخصيا بالواجب وتلاقى الضحكه اترسمت على وشه
روح وتوكل

السلام على الجميع
يا اخوانى الاعزاء
انا مش عارف ايه الغلط فى مشاركتى بس اقسم بالله انا ما قصدى ولا كاتب فى كلامى شئ من اللى حضراتكم فهمتوه ده
انا لما اقول ان شريف راجل صاحب اخلاق عاليه وانه حرفى اوى وانه مش محتاج توصيه علشان هو سواء بتوصيه او من غيرها بيعمل الواجب وزياده ابقى انا غلطان؟؟
لما اشبهه بالتجار زمان فى زمن الرسول (ص) وانهم مكنوش بيحتاجو توصيه علشان يعملو اللى ربنا والضمير بيمليه عليهم ابقى انا غلطان؟؟
اقسم بالله انا قصدى من مشاركتى انى اعلى من قدر الاستاذ شريف ولعلمكو انا كنت ناوى اعمل موضوع شكر خاص ليه اشكره فيه على مساعدتى
يا ايها الساده الكرام
انا مش عارف ايه الاستافزازى فى كلام كله مدح واعلاء من شأن راجل كبير زى الاستاذ شريف؟؟
انا بصراحه مفاجأ من الموضوع واسف انى ما شوفتوش الا دلوقتى لانى مكنتش اعرف ان ردى ممكن يتفهم كده ابدا وكمان كان ورايا امتحانات
ويا اساتذتنا الكرام انا عارف قدر كل واحد فيكو عند الاستاذ شريف وعارف انه بيتوصى اوى باللى يجى من طرفكو بس انا ما انكرتش كده وقلت انه اول ما تقوله انك من طرف استاذ جلال او استاذ طلعت هاتلاقيه قام بالواجب كله والضحكه ما تفارقش وشه
والله انا حزين جدا ان مشاركتى ديه بالذات اتفهمت كده
وحزين اكتر ان الكل فاهم انى بحب اعمل مشاكل او اى حاجه مع انى اقسم بالله ما غرضى كده
بس لو بعدى عنكم وعن المنتدى هايريحكم انا هانفذ طلبكو
بس اطلب منكم حاجه
ما تحرمونيش من انى اقابلكو فى الشهر مره ع الاقل علشان ما يبقاش فيه مجال ان حضراتكم تفهمو كلامى غلط
وانا لسه قايل فى موضوع تانى ان حضراتكم واحشنى جدااااااا ونفسى اشوفكم وبدعى ربنا يحميكم ويحفظكم من كل سوء
بس اظاهر ان الانطباع الاول يدوم فعلا
اعتذر
واسف للاستاذ جلال والاستاذ محمد حافظ والاستاذ جمال اللى وعدتهم انى هابقى الاخ والصديق ليهم بس اظاهر انهم مش متقبلينى
واللى حضراتكم تقولوه وتحكمو بيه انا راضى بيه لانى بجد مش عاوز ابقى زى الناس التانيه اللى بتعمل مشاكل ع الفاضى وبس
سلام عليكم