معلش ردى اللى فات كان قبل ما اقرى تعليقات حضراتكم لان الاستاذ جلال هو اللى لفت نظرى للمشكله وانا قلت اكتب رد سريع علشان ما اسمحش بالمشكله انها تكبر بس اسمحولى ارد على كل مشاركه
اقتباس:
المشاركة الأصلية كتبت بواسطة ayman22
انا لى تعقيب على الموضوع .. ولى راى مختلف تماما بالنسبة لمشاركة الاستاذ hoka .. وهو انكم عملتو هجوم شرس على مشاركته ومن وجهة نظرى ان مشاركته غير مستفزة والراجل لم يخطأ فى كلمة واحدة .. وهو ان الشخص الذى يعمل فى مهنة معينة وانا طلبت منه خدمة فى صميم مهنته .. لابد ان يتقن عمله سواء بتوصية من واحد صديق لهذا الشخص او لا ..... وهذا هو الاسلام ... وكما قال رسول الله صلى الله عليه وسلم " ان الله يحب اذا عمل احدكم عملا ان يتقنه" ... يعنى لم يقل بتوصية من احد ... لان الاسلام امرنا بهذا ..... وطبعا مش جريمة ولا يوجد مانع انى ممكن اجعل واحد يعمل لى توصية لانجاز طلبى ..........
هذه وجهة نظرى .. وارجو ان محدش يفهمنى غلط ويقول انى متحيز للاستاذ hoka لانى ببساطة معرفوش على المستوى الشخصى .....
ازجو ان يتسع صدركم لمشاركتى .. لانى من رايى الشخصى ان هو ده الصح .....
تقبلو منى كل تحية وحب واحترام .......
|
الاخ ايم هو ده رايى والله وانا بينته وده اللى كنت عاوز اقوله لا اكتر ولا اقل
اقتباس:
المشاركة الأصلية كتبت بواسطة galal khalifa
وجهة نظرك تحترم يا ايمن بس لما ما تكنش عارف ابعاد الموضوعات وفكر وسلوك حوكة ساعتها لازم احنا كلنا نختلف معاك لان الموضوع دا تكرر منة اكثر مرة وهو نفسة لما راح للراجل كان بتوصة من طلعت بخيت .
الموضوع ببساطة ان وجهة نظر حوكة الكوكبية ان احنا ما لنا تأثير علي شريف وهو بيعمل الواجب مع الناس من غيرنا علاقنا بية وان علاقتنا بالمحلات مالهاش داعي ولا لزمة وان قطعة الغيار الي جابها احمد والمفروض ان سعرها من 130 الي 170 جنية واتصلت بالمحل وخلاها 50 جنية علشان خاطري كل دة ما لوش اية قيمة ولما شريف بيعمل تخفيض دا بردة مالوش داعي
نصيحة اخوية يا أيمن مشاركاتك في الاغلب بتبقا في غير محلها لان الخلفيات مش عندك كلها وارجو بردة انك ماتزعلش من وحهة نظري في المشاركة
واعتقد من وحهة نظري انها صح ومائة بالمائة
|
استاذ جلال
كرمك وجهدك فى خدمه اعضاء المنتدى فوق عينى وراسى وما اقدرش انكر ابدا انك ليك تاثير على الناس اللى الصيادين بيتعاملو معاهم سواء شريف او محلات السلاح بس والله ما قصدى اللى انت فهمته ده خااااااااااااالص
وصحيح
انا لما اتصلت باستاذ طلعت فعلشان نفسى اطمن عليه واساله انا ببعتله رسايل وبطمن عليه ولا لا وكان احمد قالى انه ممكن يطلع معانا رحله ويشرفنا
ولو انا نيتى مش كده كنت روحت لشريف على طول لانه يعرف احمد
وكمان الاستاذ طلعت قالى اكلمه لما اكون عند الاستاذ شريف
ووالله انا مستعد اروح لاستاذ شريف من غير اى توصيه لانى اثق فيه
اقتباس:
المشاركة الأصلية كتبت بواسطة galal khalifa
الاخ العزيز كارم ذو الموضوعات الذهبية
الاخ ايمن من الاعضاء الهادئة والجميلة وانا اعرفة جيدا ولكنة في بعض الاحيان لا يعلم ما يدرو خلف الكواليس والتي تعلمة الادارة جيدا .
اما العضو حوكة فهو دائما مصر علي وضع مشاركات استفزازية ليس لها اي معني سوي تعكير صفو المنتدي وهذا ليس لة الا تفسيرين ليس لهما ثالث
اولا : ان حوكة هذا هو طبعة ولا يمكن ان يغيرة لاسباب لا نريد ان نعرفها ولا نريد ان نفسرها وقد عاود علي هذا الاسلوب اكثر من مرة وهو دائم علي تفسير الامرو والتهكم بطريقة ليست حضارية بالمرة ولا يعير لاحد انتباة ولا يأخد بنصيحة من هم اكبر منة .
ثانيا : ان يريد ان يكون موضوع الساعة ورجل العرض الوحيد علي فترات متباعدة ولا نعرف ماهو السبب في ذلك ولا نريد تفسيرة وليعلم ان هذا خطاكبير ونحن منتدي لمحبي الهواية وليس منتدي للعرض السينمائي الغير مبرر .
اما الهدف المخفي فهو وحدة يعلمة ويعلم ان المرةة القادمة سوف تكون عواقبها وخيمة ولا تراجع عن ما يصدر من قرار مهما كانت الاسباب فنحن نحترم الجميع صغيرا او كبيرا وعلية ان يعلم ان هناك وسائل رادعة يمكن ان توجهة لة ولا يوجد مكان الي المهاترات او العبث في المرحلة القادمة
وان هناك اجتماع للمشرفين والادارة للبت في عضويتة .
|
معلش اخر رد على حضرتك يا استاذ جلال
انا مش شايف ان مشاركاتى ليها اى سبب غير الاخوه والمحبه معاكم ومشاركاتى قبل كده اللى عملت مشاكل كانت بسبب انى مش متفهم طبع حضراتكم اوى والمجتمع الاخوى الجميل ده
بس لو لاحظت مشاركاتى اتغيرت كلها والاسلوب وانا بنهج نهج الاستاذ جمال استاذى ومعلمى ووالدى
استاذ جلال ارجو من حضرتك تفهم الكلام بدون اى خلفيات لان مش حضرتك بس اللى بتقراه فيه ناس ممكن يقروه زى ما قراه الاستاذ ايمن ويفهموه بطيب خاطر وممكن حضرتك معذورا تفهمنى انى بتهكم وبستفزكم بسبب مشاكلى قبل كده
بس انا وضحت كلامى كله وياريت لو فيه حاجه لسه مضايقاك منى قولى عليها
وحضرتك قلت سنه جديده وننسى الخلافات
منين بقى نسيت الخلافات ومنين بتقول خلفيات عنى ووراء الكواليس؟؟
انا عن نفسى بحب الجميع ومن كل قلبى والله ولو مكنتش بحبكم مكنتش بطمن عليكم زى اخواتى ومكنتش متلهف انى اشوفكم فى القريب العاجل
ربنا يحفظكم ويعينكم ويهدينى ويهديكم
سلام عليكم