يا باشا ده العادي هنا في الصعيد
وبعدين الناس هنا بعيد عن المحافظه والبلاد اللي بيبقى فيها تار تلاقي كل واحد معلق البندقيه في كتف والخريطه في الكتف التاني مليانه خزن و طلقات وساعه الفرح كله بيروح يجامل
واللي الواحد يستغربله ان ساعه ما الحكومه تكبس السلاح ده كله بيختفي كانه بيتبخر و الناس واخده السلاح منظره ووجاهه يعني اللي عنده ak 56 عاوز يغير ويجيب حاجه بلجيكي اللي هما بيقولوا عليها اسرائيلي وكل بيت لازم يبقى فيه سلاح ان مكانش بندقيه يبقى طبنجه ع الاقل ودي مش نعمه دي بالعكس اكبر نقمه والله نفسي تتفرجوا على خناقه هنا في الصعيد او تقدروا تقولوا حرب او معركه او مدبحه تلاقوا الالي شغال في كل اتجاه واللي معاه جيرينوف ناصبه فوق البيت ومستني يضرب والضحايا بقى بتبقى بالجمله 10. 20 , 100 هما ونصيبهم
بس برضه الواحد ميقدرش يتخيل فرح من غير ضرب نار يا ريتنا نستخدمها في الافراح وبس
واهو ربنا يحفظنا