اقتباس:
المشاركة الأصلية كتبت بواسطة beretta fs92
الله يخليك ياباشا الي الجندي المصري ومحمد الحماقي انا ابن عمي طوله 185 ووزنه 110 بس جسمه ناشف بيلعب حديد من حوالي شهر عضلات رجليه تحفه بس مش ظاهره وبيشيل قدامي علي رجليه علي الاجهزه 140 كيلو والحر علي اليار يعني 80 كيلو عشان ضهره والباي والثلاثيه بدقو يتحسنوا ويظهرو هوا عاوز يعرف يخس الاول ولا يلعب ضخامه وبعد كده ينشف ولا ايه النظام وعاوز ياخد مكملات فأنا قولت له ياخد واي بروتين وامينو 2222 فأنتو ايه رأيكم والاسكوب الواي بياخد كام جرام بودره يعني لو هياخد 3 سكوبات في اليوم الكيلو يكفيه اد ايه والامينو ياخد كام حبايه هوا عاوز ضخامه وجسمه ينشف بس بسرعه ومن غير منشطات ومش عاوز ياخد حاجه وبعد مايبطلها عضلات جسمه تقل فلو خد المكملات وبطلها العضلات هتقل ولا ايه النظام هوا عاوز يبقي زي احمد التهامي الي اسمه تهامي في مسلس فرقه ناجي عطا الله هههه فامعلش طولت عليكم جدا بس هوا عاوز يعرف ضروري وشكرا ليكم جدا وجميلكم دا فوق راسي وعمري ما هنساه لاني بحبه جدا ونفسي اعمله اي حاجه وهوا عنده 16 سنه وكام شهلر بس تشوفه تقول 25 سنه بالقليل اوي طول بعرض كده يعني واسف ع الاطاله وشكرا جدا
|
بص يا سيدى مبدئيا كده هو لازم يبلك الاول (يضخم) مرحلة ضخامة عامة و عضلية بعدها يبتدى يدفنش او ينشف بمعنى انه فمرحلة التبليك بيكون زود حجمه عضليا و بيزيد شوية دهون بعد ما يوصل لحجم معقول (و خد بالك انى بقول حجم لان المرحلة دى مش مهم فيها العضل يترسم فيها قد ما المهم الحجم بصورة عامة يزيد) بعدها يبتدى يدفنش او ينشف او يشرخ الفترة دى بتحتاج ياخد شوية حاجات هوضهالك و يزود لعب الكارديو و يغير الاكل يبعد عن الاملاح و السكريات و الدهون و الكارب
بالنسبة لسؤالك عن البروتين .. البروتين هو المسئول عن تغذية العضلة و اكسابها الحجم اللى بتشوفه يعنى عشان العضلة يبان عليها التمرين محتاجة بروتين فالوجبات و المكملات و بالنسبة لاى حد بيلعب كمال اجسام اهم حاجة وجباتك يكون فيها صدور فراخ و تاكل فكل يوم بياض بيض مسلوق
بالنسبة للامينو هو عبارة عن مجموعة احماض امينية على اختلافها طبعا و الامينو اسيدس هى المسئولة عن امداد و توصيل البروتين للعضلة و كمان مسئولة عن احتفاظ العضلة بالبروتين و بالتالى الحفاظ على المكتسب العضلى
و مع احترامى لاى عضو رد على استفساراتك الكلام اللى قولتهولك ده كلام اكيد و علمى و عن سابق معرفة