رد: سينا واسرائيل
بص يا عم جريفن انت عارفني كويس من أيام الـpcp وكان لينا كلام مع بعض لكن في حدود
الموضوع .. وبدأت آخد فكرة عنك من ساعة ما علقت على موضوع في القسم دة وكنت بتقول
ان اسرائيل مش هي الي قتلت جنودنا على الحدود
من ساعتها وأنا فهمت طريقة تفكيرك لأني قابلت ناس بالتفكير دة وللأسف مصريين يا جماعة
ولازم نعترف ان في ناس في مصر بتفكر بالطريقة دي
بما انك مش بتشتم فأنا هتكلم باحترام رغم ان كان نفسي انك تشتم عشان متحجمنيش في الرد
وقبل أي حاااااااجة أنا بحسدك بجد على أعصابك دي يمكن في حد من الفاميلي حلاق أو حاجة
ودي مهنة شريفة مش عيب على فكرة ((بحاول أبقى بااااارد)))
نيجي بقا لموضوع حبايبك الاسرائيليين أنا عندي ليك سؤال .. لو قمت الصبح لقيت اسرائيل
داخلة في حرب مع مصر والجيش عامل تعبئة عامة هتشارك ؟؟
بلاش دي .. لو انت فلسطيني واسرائيل احتلت بلدك وحصلت معاك نفس القصة بتاعة صاحبك
دي هتتبسط من العسكري الاسرائيلي انة أنقذ أختك ؟؟
بص يا عم في حاجة اسمها عقل ربنا كرمنا بيه عن باقي خلقة يبقى نستخدمة ونفكر بيه
العسكري الاسرائيلي كان بيشاور لطيارة اسرائيلية جاية تقصف بيوت مدنيين ,, نسيت انت
بقا ان الطيار بتاع الطيارة دي عسكري اسرائيلي زية زي العسكري دة وانهم بيأدو مهمة واحدة
هي تدمير فلسطين وبصيت على موقف عملة واحد حقير منهم بيدعي الانسانية !!!
ابقى قول لصاحبك الفلسطيني الغبي ان اسرائيل محتلة بلدة والبنت الي أنقذها دي لو
كبرت ووقفت في وشة تاني هيقتلها من غير تردد بطلو غباء بقا
اسرائيل حببتك دي لو طالت تحرق العرب واحد واحد كانت حرقتهم مش تقولي شهامة
الجنود الاسرائيليين ..دة حتى الكلمة مش راكبة علينا كعرب اننا نقولها
مش حاسس وانت بتقولها بالعار !!
لو انت عربي مسلم بجد وبتقرأ القرآن وعارف رسولك بيقول ايه مكنتش قلت كدة
لو انت عربي بجد ومتربي في عيلة عربية مسلمة كنت تبقى مولود على ان
اسرائلي = عدو ,, دي أ ب عروبة
وأنا للأسف مشرفنش التعامل مع خائن زيك
__________________
Stars Can't Shine Without Darkness
|