( طلعة اليوم ) مذبحة اواخر رمضان
بسم الله الرحمن الرحيم
اولا وحشتونى جدا جداااااااااااااا يا احلى صيادي فى مصر
وكل سنه وانتو طيبين جميعا
طبعا الفتره اللى فاتت دى كلها مكانش حد بيطلع يصطاد غير قليل جدا
بسبب الصيام والحر الرهيب
يعنى كنا اجازه
لكن النهارده صممت انى لازم اخرج مره فى رمضان قبل ماينتهى
المهم
اخدت الكرال
وعلبة رش جامو ماتش
والملقاف العجيب
وخرجت حوالى الساعه 6 صباحا
ورحت على المنطقه اللى انا شغال فيها
والحمد لله ربنا كرم بــ
5 فرد حمام
5 فرد يمام
12 فرد سمك
ههههههههههههههه
عرفتو بقى فايدة الملقاف معايا كانت ايه ( لأخراج السمك من الميه بعد الضرب )
وبالنسبه للناس اللى بتسأل ازاىبنصطاد السمك بالبندقيه
ده موضوع كامل اهو انا عامله عن طريقة قنص الاسماك بالبندقيه
http://www.egypthunt.net/showthread.php?t=29067
وكان فيهم سمكه وزنها حوالى نص كيلو لوحدها
وعلى فكره انا رجعت اجبارى ومكملتش صيد بعد ساعتين بس
لأنى بعد ماضربت فرد حمام وقع واستخبى فى شوية حشائش
وطيت عشان اجيبه
سمعت صوت فرقعه جامده ورايا
انا افتكرت حد بيضرب عليا نار
وبعدين اكتشفت ان البنطلون ابن المفضوحه اتقطع قطع كبير من داخل الركبه بالطول
وعلى فكره دى اول واخر مره اطلع فيها للصيد ببنطلون قماش
ونصيحه بقى ليكو خالو بالكو من موضوع القماش ده لأن مواقفه بايخه دايما
ههههههههههههههه
المهم قمت احترمت نفسى واخدت ديلى فى اسنانى ورجعت جرى عالبيت قبل الناس ماتصحى من النوم والشوارع تتملى بشر وتبقى فضيحه محترمه
وكان كل مايقابلنى حد فى السكه اكلمه وانا ضامم رجلى ببعضها
هههههههههههههههههههههههههههههه
ورجعت بعد ساعتين صيد
بس الحمدلله رجعت بكرامتى برده
كل سنه وانتو طيبين وبخير جميعا بقى
__________________
*لـيس كـل مـن حــمـل السلاح كـان صيـادا*
*ولكن كل من كان صياداً كان للأخلاق عنوانا*
|