[هشام فرج]

المشاركة الأصلية كتبت بواسطة elghalban666

اولا وقبل كل شئ السلام عليكم
الكلام ال حضرتك بتقولة دة غريب جدا ولا يمكن يحصل لهذة الاسباب
1-ان مفيش حاجة اسمها حلوان 910
2-معرض شركة المعادى غير ما حضرتك وصفت لانة يعد مقبول وليس سئ
3-مفيش حاجة اسمها السلاح مصدى
4-ومينفعش اصلا يديك السلاح وتخدة وتمشى
المفروض انة بيديك بصمة السلاح وبتروح بأذن الشراء للمكان ال استخرجت منة ويضيف السلاح بناء على جواب ال فية البصمة
وبيديك الرخصة واذن الاستلام
فبرجاء راجع ال انت قولتة

وعليكم السلام ورحمة الله وبركاتة......وبرد علي حضرتك بما يلي:-
1- لا في حلوان 910 وممكن سيادتك تسأل بنفسك فى المصنع
2-لا فى ان السلاح اللي شوفتة مصدي من عند منطقة شد الاجزاء بالتحديد
3- ومعرض شركة المعادي زي ماوصفت لسيادتك بالظبط ثم انة دة مش معرض دة موظف فى اوضة ملحق بيها اوضة تانية وبكراسي خشب كمان وكانت هاتقطع البنطلون والموظف دة قاعد بكرتونة فيها عينات السلاح وعملية مقبول ولا لأ دى عملية ازواق لان دى مش خدمة بتتقدم لسلاح بيدفع فية متوسط 30000 جنية وهو مايستاهلش 100 جنية اصلا
4- انا ماقولتش على الاطلاق اني اخدت السلاح ومشيت محصلش.. وراجع سيادتك كويس اللي انا كاتبة..والموظف قبل مايجيبلي السلاح اللي انا هاشترية بقي(( مش العينة )) قالي هاتروح ببصمة السلاح مع الجواب اللي هاخدة من قسم التسويق اللي فى الدور التاني (( اللي انا مطلعتوش اصلا)) لاني مشيت من تحت من الاوضة اللي اتفرجت فيها على عينة السلاح وقالي هاتروح بية العباسية عند كلية الشرطة القديمة ومش فاكر قالي هايدونى جواب تاني وبعدين اطلع بية على القسم
5- ودة الاهم..مافيش اي سبب يخليني اكذب أو أألف اي كلام وافتري على الناس بالكذب

ولو ان سيادتك اتهمتني بالكذب ضمنيا ولكني مسامحك وكل عام وانت والاسرة الكريمة بكل خير