[أبو صفية]

السلام عليكم و رحمة الله و بركاته

وكل سنة و إنتم جميعا و المسلمين بخير

الموضوع النهاردة برده عن السمك بالصنارة و مش بالبندقية بصراحة اليومين دول عندى الجامو راحت عليها أو بالأصح واخدة إجازة لحد ما موسمها يبدأ إن شاء الله من نصف شهر 9 سواء سمك أو فراخ مية و فى الفترة دى ما فيش ورايا غير التشكيم للحمير

و دول بصراحة صيد 3 أيام مختلفين يوم الوقفة رحت أصطاد كالعادة و ربنا رزقنى بحمارين وسط بس تمام

و طلعت إمبيرح و ربنا رزقنى برده بواحد و النهاردة ربنا رزقنى بإثنين واحد كبير و واحد وسط غير واحد طلعته و وقع منى بس بصراحة صيد الحمير متعة كفاية بس شدته كأن بنى آدم بيشدك دا أنا رحت تانى يوم العيد أصطاد و شبك معايا بصراحة من الشدة وحش كبير بالرغم إنى ما شفتوش لكن نديت على واحد معايا و كنا بنشد الصنارة سوا و الله ما قدرنا عليه و لا إتحرك ناحيتنا غير شدنا فى عكس الإتجاه لحد ما قطع الشعر و دا شعر 80 يعنى يشيل 30 كيلو

و أسيبكم للصور و إن شاء الله تعجبكم و فيهم صور النهاردة متصورين فى مكان الصيد بس للأسف مش وضحين أوى









[IMG]http://img16.imageshack.us/img16/2227/photo0410s.jpg[/IMG