[عبــ الله ــد @]

السلام عليكم ورحمة الله وبركاته

من كام يوم كده روحت مع اسرتي الحبيبة فسحة للترفيه عن النفس والابتعاد عن زهق الحياة

وقصدنا بحيرة قاروووووووووووووووووون





طبعا انا خدت الرمسيس معايا تحسبا لاي يمام الطريق ولما وصلنا لقيت في البركة وعلى الشاطئ كتير جدا من طائر (ابو قردان ) انا شفته هو مشفتش قردان

كان فيه منه كتييييييييييييييييييييير جدا جدا جدا جدا وبعدين فضلنا ماشيين بالعربية واقتربنا شوية من البحر فاذا المفاجأة الكبرى .. اذ ان كل الطيور دي كانت بط !! بط !! بط !!

طبعا انا كنت هنط من العربية واروح اصطادهم بإيدي لولا ان الباب كان مسوكر



وروحنا عند منتزه صغير والراجل هناك قالنا : عايزين تروحوا فين (هيعملي فيها مرشد سياحي )

ابويا قله : عايزين نقعد ع البحر

وانا قلتله : عايزين نصطاد بط !

الراجل بصلنا ببرود كده وقال : محمية

ابويا : نعم ؟ :mad:

-البط دا محمي يا استاذ ، موسم البط هيبدأ 10/1

- طبعا انا كنت هتف في وشه بس ابويا كان رافع ازاز العربية



المهم ان انا عامل الموضوع علشان اعرف منكم هل الموضوع دا حقيقي و موسم البط هيبدأ يوم 1-10 ؟؟؟؟؟؟؟؟؟

وفي النهاية اود ان اشكر القبطان المصري 22 علشان تعلمت من مواضيعه طريقة جميلة لكتابة المواضيع مع ان برضوا طريقتي مش زي طريقته اوي وخفة دمي متجيش حاجة قد خفة دمه

والسلام عليكم ورحمة الله وبركاته