[bekhet]

المشاركة الأصلية كتبت بواسطة mohamed mada

بس دة مفيهوش العيوب والمواصفات

بص يا بشا البام 22 من أقوى بنادق الإسبرنج (بندقية طرشة) وبرجاء الحرص عند الإستعمال والبعد قدر الإمكان عن المناطق السكنية (الرشة بتسافر )علشان كدة هتلاقى رد الفعل قوى والرشة بتطلع لفوق جامد يبقى توطى النشكاة الخلفى لغاية متظبط معاك وكمان عندك فى البام إمكانية تعلية وتوطية النشكاة الأمامى بمقدار بسيط ومسامير النشكاة الخلفى بتفك أحياناً من قوة الضرب علشان كدة أرط عليها بمفك كل فترة وأبعد عن الرش الدبيليو التركى المدبب لأن نسبة رفع الرشة بتزيد أو الجامو ماتش علشان خفيف (أنا بتكلم بالنسبة للبام علشان محدش يقول إن الرش دة وحش ) ممكن تستخدم الجامو برومغنوم أو الديابلو العلبة الموف أو الى تستريحلة المهم تكون أوزانهم ثقيلة نسبياً سن نملة الدبانة للنشكاة الأمامى عريض نوعاً ما فمكن تلاقى صعوبة فى التنشين للمسافات البعيدة مع الأهداف الصغيرة علشان كدة ممكن تجيب أسكوب بس لو تعرف تجيبة من برة علشان معظم الى هنا الصليبة بتغير مكنها من قوة الضرب ودة طبعاً هيظهر مع البام بس عموماً لازم تضرب فترة من غير الإسكوب لغاية متتعود على البندقية وتفهمها وبعد كدة تقرر أرجو أكون أفتدك