[waleedm]

يا باشا اهلا و سهلا بيك
و اشكر تعليقك الرائع الذي يعكس حب للرماية و وعي
عاوز اقول لحضراتكو يوم الجمعة حصلت خادثة طريق بلبيس القاهرة الصحراوي و راح ضحيتها قريب من بعيد ضابط طيار غاية قي الاخلاق الله يرحمه اتعرض هو و سائق سيارته للقتل علي ايدي بلطجية و كانت المقاومة سبب لقتله من الكلاب بالالي و نجا السائق بعدما سرقو السيارة
ممكن دلوءتي تعرفو ليه انا كتبت الرد بتاعي ده
يلعن ابو العربية لابوالسلاح لما يكون سببها قتل انسان محترم البلد اهتمت لبه وصرفت عليه عيل لسه ملازم اول يارب تصبر امه يارب

هيعمل ايه مسدس مع الي شايلينه ناس معندهمش دين و لا قلب الحيوان احسن منه
مفيش لجد ديه عندهم
و اللي هيقولي ماتروح تسلم السلاح و انت مرخص ليه لما ده رايك؟؟؟
هرد و اقول لحضراتكو عشان الدقاع عن المنزل و مش عيب لما اشيل في بيتي سلاح مرخص مش للدفاع عن النفس علي الطريق و بالمناسبة عاوز اقول لكل الناس ان مسدس الصوت مشكله انا وجهة نظري بتقول ان المهاجم او قاطع الطريق لو شافه او سمع صوته هيكون رد فعله القتل فورا لانه ساعتها مش هيكون عنده دافع واحد انه يقتل لا ده كمان عشان يدافع عن نفسه كمان يعني ده رايي و طبعا مع احترامي و تقديري لكل الاعضاء المختلفين في الراي اه ممكن مزرعة او سكن بعيد يضرب طلقتين بالليل لكن المواجهه حاجة تانية
و كمان افكر حضراتكو بالحوادث اللي حصلت لناس ضباط بسلاحهم اتاخد منهم السلاح و العربيات و كمان منهم اللي استشهد زي الضابط اللي اتكلمت عنه
عشان كدة انا بقول للي بيفكر يرخص سلاح عشان الطريق و عدم الامان ان مش ده الحل و لا هو طريق الحمايه
و عشان يتفتح ترخيص السلاح بالطريقة اللي بتنادو بيها لازم ابل الخطوه دي يكون فيه حاجات تتعمل ابلها عشان متحصلش كوارث
لازم يكون المستوي الثقافي و الاجتماعي و الاقتصادي و الاخلاقي علي مستوي معين عشان نسمح فيه بالتراخيص بالطريقة اللي بتتكلمو عليها دي
و اشكر كل من انتقدني لانه كان سببا في ايضا وجهة نظري بطريقة افضل و احترم و اقدر من خالفني الرد