[Mega]

المشاركة الأصلية كتبت بواسطة hemi afifi

الناشنكاه الفسفوري هو هو العادي بس النشنكاه الخلفي بيبقي فيه حتة الياف ضوئه لونها فسفوري و نفس الكلام في سن نملة الدبانه و ميزتها انها من اقل اضائه بتبقي واضحه كأنها منوره عشان تعرف تجمع نشان بسرعه و دقه اكتر و البنادق انواعها كالتالي كسر و عتله و العتله نوعين جانبيه و سفليه و في انواع بتشتغل بانبوب هواء مضغوط pcp و العتله بتكون ادق و محترمه اكتر و لكن لازم تكون بندقيه محترمه عشان الانواع الرخيصه مشاكلها كتير و الكسر عمليه و قطع غيارها و صيانتها اسهل و دقتها ممتازه بردو و الفلوس اللي انت مجهزها دي متفصله علي الكرال و هي بس السوسته تغيرها و ممكن جلبه و قاعده حديد و تبقي زي الفل و قطع غيارها متوفره و صيانتها سهله و تقبل تعديلات كتير ممكن تزود قوتها و متانتها و لما تبيعها مستعمل مش بتخسر كتير و بتتباع بسرعه و في منها نمره واحد و اتنين بس المنتشر نمره اتنين و سرعة المقذوف في الكتالوج 240 م/ث بس ده مالوش دعوه بالواقع هي اقل من كده و لما تغير السوسته السرعه حتعتمد علي نوع السوسته اللي حتتركب بس عشان متوجعش دماغك هي بندقيه قويه و التعديلات في حدود 250 جنيه سوسته و جلبه و قاعده حديد و حتبقي ممتازه بس يبدو انك ممسكتش بنادق قبل كده يبقي بلاش تجرب تعمل الصيانه انت عشان متبوظش الدنيا و يفضل متجبش حاجه جامده و عاليه عشان ممكن متعجبكش الهوايه و البندقيه الكرال تعتبر قويه عشان تبتدي بيها

يا باشا كفيت ووفيت ومرورك فوق راسي بس سؤال اخير هل اجيب كرال ولا ازود شويه واجيب نوريكا ولا الاتنين نفس السعر؟
انا عارف اني بتعبك بس انت عارف في فلوس هتدفع
ويا ريت ترشحلي حد اجيب منه ونوع البندقيه بالظبط ولو في منها مثلا خشب ولا فيبر وانهي الاحسن وهل ممكن اركبلها ناشنكاه فسفوري....يعني انا عارف اني طولت بس عادي بقه