السلام عليكم و رحمة الله ... ندخل ف الموضوع علطول علشان اية بجد كدة كفاية .
من الواضح ان الادمنز اللي ماسكين الصفحة عالفيس لا يفقهووون اي شيء عن ادارة صفحات عالفيس بوك ... و من الواضح ان كل خبراتهم تنحصر ف صفحات الترفيهية و الكلام الفاضي . معلش اعذروني لاني اوقات بكون شديد حبتين
انا كنت عملت موضوع قبل دة عن نفس المشكلة و كان رد الادمنز الموقرين باختصار يعني
" احنا عارفين احنا بنعمل اية و دي سياسة ناجحة ومتبعة ف كتير من الصفحات الكبيرة " و دة رد اتنين من الادمنز
ــــــــــــــ
رد: هي دي صفحة الصيد اللي عالفيس ؟ !!
العضو المحترم
شكراً جزيلاً على اهتمامك وحرصك الذى يدل على حبك للمنتدى وصفحته
نحن لنا وجهة نظر اخرى يطول شرحها و سأختصرها لك قدر الامكان
الصيد فطره فطرها الله عز وجل فى كل الببشر
الصيد هى المهنه والصنعه الاولى الذى تعلمها الانسان واعتمد عليها فى ممطعمه وملبسه
لذلك اعلم يقيناً ان كل الرجال تقريباً سواء كانوا ينتمون للهوايه ام لا يحبون الصيد والقنص
نحن نحاول قدر الامكان نلفت انتباههم للصفحه ونقتل الملل الذى قد يصيبهم من الكلام المستمر عن الصيد
نموذج
المنتدى كا يتكلم عن الصيد البرى فقط فى فتره من الفترات
ولكن سمحت بتداول موضوعات الاسلحه البيضاء والناريه ومحدثات الصوت فى فترة الثوره
كانت النتيجه ان 90 % من الذين دخلوا للبحث عن هذه الاشياء ان انتموا للهوايه واصببحت ملاذهم الاول
بل منهم من ابدع فى الهوايه حتتى صار من المحتترفين فى فتره قصيره لدرجة ان اكثر من واحد من المشرفين دخلو بحثاً عن محدثات صوت وليستت هواية الصيد بحد ذاتتها
سيدى الفاضل الطريقه التى نسير بها هى اسلوب تسويق متبع فى كل المجالات والشؤككات الاخرى
نموزج آخر
ما هى علاقة شركة فوادفون بأغنية محمد منيير الجديده ولما تدعممها وتشرها ؟؟؟؟؟؟؟؟؟؟؟؟؟؟؟؟؟؟؟
فى النهايه اقدم لك خالص احترامى وشكرى
ــــــــــــــــــــــــــــــــــــــــــــــــــ ـــــــــــــــــــــــــــــــــ و دة رد الادمن التاني
السلام عليكم
الاول بشكر حضرتك جدا علي المتابعه والفته الطيبه من حضرتك دي :]
بس زي مقال لحضرتك المشرف العام ووضح لحضرتك وجه نظره من المسار ده وانا مش لاقي كلام ممكن اقوله بعد اللي هوة قاله لاني وضح كل شيء ولكن انا اوعد حضرتك بعد وقت قصير الصفحه هتاخد مسرها الصحيح
وده عشان احنا لسه في مرحله التكبيرررر هنوصل لاكبر عدد علي الفيس بوك في المجال ده نقدر نوصله وبعد كده هنتجه اللي الهدف الحقيقي من ان شاء هذه الصفحه وهوة (( الصيد والسلاح ))
_________________
انا مش عارف هما شافوا الصفحات الكبيرة دي فين و اصلا هل هما يعرفوا الفرق بين صفحة هواة و صفحة متمرسة .. انا اشك انهم يعرفوا الفرق .
اللي يتابع الصفحة بصراحة هيصاب بخيبة امل .. لان مفيش تشابة خالص بين اسم الصفحة و محتوي الصفحة .. اسم الصفحة الصيد ف مصر .. تعالي بقي شوف المحتوي هتلاقية فشنك "
بمعني ان المفروض الصفحة تتكلم عن الصيد بأنواعة و تعاليم الصيد و الاماكن و يكون في دروس و سرد قصص و خبرات الي اخرة عشان الناس تتوعي اكثر عن الصيد .. عشان كلام الادمن يتطبق علي عالفيس زي ماهو اتطبق عالمنتدي "" حقق رصيد من الناس كتير ف وقت قليل "
لكن تعال شوف محتوي الصفحة اللي حاتطلي صور الادمنز و دة ما بيحصلش طبعا ف صفحة عالفيس مثل صفحات الاسلحة و التعليم والتوعية و القوات الخاصة والجيش و الصفحات الدينية و السياسية . و اللي تلاقية حاتطلك صورة بومة كلها خضار و فواكه و سؤال للرجال و الحريم بتعرفوا تفرقوا يبن البقدونس و الكسبرة .. حاجة يعني تجيبة السل .. و اللي تلاقية حاطتلك صورو اتوبيس و الناس مزنقين ف بعض و صورة الكومكس بتاعت اساحبي و الكلام الحنتريش دة .. و حاجات تانية تخليك ماتعرفش انت داخل صفحة صيد ولا داخل ديزني لاند . و فين وفييييين لما تلاقي بوست عن السلاح او بوست تعليم الصيد .. دي كمان صور ولا معلومات كافية ولا موضوعات حصرية .. هما لو بيشووفوا الصفحات و خاصة الصفحات العسكرية و صفحات التسليح بينافسوا بعض ازاي ف البوستات الحصرية هيتأكدوا ان الصفحة ف عالم تاني متجة لكوكب المريخ .. بصراحة ماقدرش اقول عليها الا انها صفحة هوااااااة و بتتجة للفشل و مش اي فشل ..فشل من العيار التقيل .
الدليل علي فشل الصفحة .. دليل مدمغ كمان .. انا مش بجيب حاجة من عندي . كل بالاثباتات
الصفحة وصلت ل 70 الف عضو و انا متابعها .. من فترة بقت تقل و تقل و الاعضاء يخرجوا و عدد ال talking بيقل و وصل ل 10 الاف و وقف و كل يوم الاعضاء بيخروجوا من الصفحة و دلوقتي الصفحة وصلت ل 60 الف ..يعني 10 الاف عضو طاروا ف الهوا .. انتو تسموا دة اية ..نجاااااااااح ..؟!!!!!!!! عجبي
من الافضل ان بوستات الصفحة و مسارها يكون ف نطاق واحد و هو نطاق الصيد بانواعة و الاسلحة المستخدمة و المسدسات و غيرة من الاقسام اسلحة نارية و خلافة لكن بوستات ترفيهية دة معناة انك بتضحي بالصفحة و الاعضاء الل يجيوا بالساهل هيروحوا بالساهل .
الصفحة غير المنتدي المنتدي فية اقسام كتير منهم اقسام الواحد يحط فيها بوستات ترفيهية براحتة .. لكن الفيس لااااااا .. الفيس انت مالكش غير صفحة واحدة . ف اختاروا يا اما صفحة هواة و كلام حمصي او صفحة بتعبر عن المنتدي و تخلية يزيد و يبقي الاول ف المنافسة بين المنتديات الاخري مش صفحة تنزلة و توقعة .
ملحوظة اخيرة .. ف ال info تبع الصفحة ياريت لو تغيروا حتة اكبر تجمع لهواة الصيد البري و البحري ف مصر و العالم . الكلام يكون واقعي احسن عشان محدش يمسكلكم عالواحدة .
و ابقوا شوفوا الصفحات التانية ماشية ازاي و امشوا زيهم عشان الصفحة تزيد و منظرنا يبقي عدل .
علي فكرة لو دخلتم الصفحة دلوقتي هتلاقهوا قلت اكتر و ال talking بقي 6 الاف وشوية يعني خسرتوا ف حدود ال 4 الاف .. مبروووووووووووووووك الفشل
و اسف لو كنت شديد حبتين بس دة الطبيعي من واحد بيحب المنتدي و خايف علية
دة لنك الموضوع السابق و كنت بناقش نفس المشكلة و نفسة الموضوع اللي اخدت منة رد الاتنين الادمنز
http://www.egypthunt.net/showthread.php?t=33687
السلام خير الختام
تقبلوا مروري و السلام عليكم