[bob_2005]

المشاركة الأصلية كتبت بواسطة zezo bose

الله يبارك فيك والله انا جبت الفولجا ده لانى مندفع بس شوية او عصبى شوية زيادة ليه بقى من الحاجات اللى تحرق الدم فى الشارع وفى حياتنا اليومية ومش كل ما هكلم حد هتطلع الحى تضربة يعنى وكمان انت بتبقى سايق عربيتك وتلاقى موتسيكلات رزلة وتكاتك وحاجات غريبة وتصرفات مرورية مقرفة ومتعبة وممكن تؤدى الى مشكلة كبيرة وطبعا مركزك الاجتماعى بيحكم عليك انك مش هتنزل ببدلتك وعربيتك بمطوة ولا سنجة لحد يعنى لان بتلاقى رد فعل مش محترم لو حتى حاولت تلفت نظر حد وتقوله عيب كده بيرد عليك ميت رد مش محترم فانا قلت اجيب اى حاجة جنب الطبنجة الحى عشان لو لا قدر الله اتعرضت لموقف مش تمام اقدر اتصرف يعنى وبعدين احنا مش بندور على المشاكل بالعكس المشاكل بتيجى لحد عندك وطول ما انت فى الشارع معرض لاى شىء سواء بالليل او بالنهار وظروف البلد دلوقتى على بقى ما تقعد تحكى انت مين وقصتك ايه مش هتلحق اصلا لا لازم تخلص مشكلتك وتحسمها وبعد كده نشوف المواضيع دى والقلم السابق سابق مهما كانت مكانتك او وضعك الاجتماعى محدش هيبص لكده انت راجل مع راجل واقع فى مشكلة فى الشارع وظروف البلد مش مطمئنة اوى بان الامن هيستجيب اوى ليك بسرعة او هتلاقيهم على طول قدامك يعنى هتكون عاشت ناس وماتت ناس والامن لسه بيفكر يجيلك انا مش بقول كده اننا كل يوم فى مشاكل ولكن احمى نفسك بنفسك بقدر الامكان حتى تستقر الامور والحامى هو الله سبحانه وتعالى ويكفينا كل شر احنا والمؤمنين يارب وختاما بقول لا فولجا ولا كلاشنكوف هيحميك من المشكلة ابدا اللى مقدره لنا الله هنشوفه ولكنى من الناس اللى بتحب تنهى مواضيعها على طول من غير اطالة بالذات فى الشارع والحافظ هو الله واظن كلنا او معظمنا بيتعرض لمواقف من دى كتير وساعتها بيقول لنفسه لو معايا سلاح دلوقتى كنت وكنت ولكن احنا مش فى غابة كل ما هنالك انت بتجتهد تامن نفسك بقدر الامكان ولا يغنى حذر عن قدر والله المستعان

ربنا يسترها عليك وعلينا جميعاً و يحميك من كل شر
كلامك مظبوط وانا كنت بفكر فى كده لكن فى نفس الوقت كنت قريت موضوع ليك ان واحد اتمسك بطبنجة صوت مفتوحة و طلق بلي و بقت قضية و راح فيها ببلاش عشان كده الواحد قلق و قلت لنفسي كفاية الصوت حاجة محترمة كده وقريبة من الحقيقي زي الفيرات مع التعليق جراب الجنب بردو بيدي هيبه و بيخلى الى قدامك يفكر قبل ما يعمل حاجة .