[ebrahem]

الحقيقة الاختراق كان محزن والى يضايق انة كان من غير هدف.. حاططلنا صورة معفنة ملهاش اى لازمة بتشير الى عبدة شيطان او شخصيات لا دينية..موضوع الباكاب اسعدنى كتير لانى كنت خايف عالمعلومات الى اتربت عليها ناس كتير وانا منهم وللعلم انا غير مشترك بأى منتدى آخر وشرفنى كثيرا قول احد شبان الخليج انة تفاجأبوجود هذة القلعة فى مصر..وبالنسبة للهكر فموضوع زى دة ما كانش بثير اهتمامى وكنت بعتبر تعلمة تفاهة لكن بجد انا ابتديت اقلق من الموضوع دة خصوصا ان فى عملية قرصنة تمت على واحدة من اكبر 10 شركات على العالم وبقالهم أكتر من شهر محرومين من الانترنت.. الى عاوز اقولة ان الادارة تستاهل التحية ان المنتدى رجع بسرعة وفى منة احتياطى وبرحب بخبراء الكمبيوتر يعلمونا مبادىء عن موضوع الهاكر لغرض الدفاع عن النفس.. كان من فتر كبيرة نسبيا على الشاتنج ولد دخل يتعرف عليا وزميلى وبعتلنا فايل مدمر للجهاز..زميلى خد بالة وغيرلة معالم الفايرس وبعتهولو تانى..وفى منتديات متخصصة فى كدة وبرامج كتير و الموضوع مكانش لافت اهتمامى لتفاهتة لكن لما يعكر مزاجنا ويغيظنا بالشكل دة لازم نحاول نعرف ابن التيت دة عمل اية بالظبط وازاى نحمى نفسنا ونتجنب ان دة يحصل فى اجهزتنا والفرق بين القرصنة على الحاسب الشخصى من القرصنة على منتدى و هل الدخول على المنتدى المسيطر علية الهاكر يؤذى الحاسب.. وازاى نتتبع الهاكر..سوق البرامج حاليا بقى سىء غير زمان لما كانت البرامج متداولة ونسخ نظيفة وكنا بناخد نسخة جوست بكاب مالويندوز ونفردها فى اى وقت عند حدوث مشكلة وكان التبويت سهل دلوقتى طلعوا شباب الحاسبات والمعلومات بيعقدوا الامور عشان تفضل رايح جاى عليهم على الاقل مرة كل سنة والبرامج المتاحة عالنت غير موثوق فيها دا غير انى مرة نزلت برنامج لمكافحة المواقع الغير اخلاقية مشتغلش و يطلع مع ستارت اب ولا عارف احذفة..